Júma, 29 Nauryz 2024
46 - sóz 6130 15 pikir 3 Nauryz, 2020 saghat 10:39

Ketkenge keyimeyik, kelgendi kemsitpeyik!

Sayasattanushy Daniyar Áshimbaevtyng "Dalanews.kz" saytynda “Oralmandar? Olar memleket esebinen kýn kórgisi keledi” (2 nauryz, 2020 jyl) degen pikiri jaryq kóripti.

Ketip jatqandar kóp, әriyne. Búdan bylay da olardyng qarqyny basylmauy mýmkin. Biraq, men olardy Qazaqstanda kýnkóristing qiyndyghynan kóshuge mәjbýr bolyp jatyr dep oilamaymyn. Áshimbaev: “Oralmandar? Olar memleket esebinen kýn kórgisi keledi”

Negizi, bir elden ekinshi elge qolynda bar, qaltasy qalyng adamdar kóshe alady. Qazaqstannan bosqyn bolyp ketipti degendi, Qúdaygha shýkir, estigen joqpyz. Ekinshiden, olar da úrpaghynyng bolashaghyn oilaydy, óz últynyng óship qalmauyn qalaydy... Sondyqtan nege ketting dep olardy, nege "ketirdin" dep, Qazaqstandy kinәlaugha kelmeydi. Qayta, ketkenderge "joly bolsyn!" aitqan jón.

Sosyn, sayasattanushy Áshimbaev myrzanyng "Olar osynda kóship kelip, memleket esebinen kýn kórgisi keledi”, degen pikirin týsinbey otyrmyn.

Ýkimet 2020 jyly qandastardy qabyldaugha arnalghan aimaqtyq kvota ýshin nebary 1378 adamgha ghana qarajat bóldi. Men on jyldan beri qandastar mәselesimen tikeley ainalysyp kele jatqan adammyn. Olardyng jaghdayyn óte jaqsy bilem. Qandastarymyz ózin-ózi júmyspen qamtuda býkil qazaqstandyqqtargha ýlgi bolarlyq jaghdayda. Aqsha, ýy súrap kelgen qandasymdy jolyqtyrghan emespin. Olardy qinap kelgen bir-aq mәsele bar. Ol - qújat rәsimdeudegi qiynshylyq. Qúdaygha shýkir, ol mәsele de óz sheshimin tauyp jatyr.

Daniyar Áshimbaev myrza: "Ýkimette Roman Sklyardan (premierding orynbasary) ózge últ ókilderi joq. Viyse-ministrlerding dengeyinde ózge últ ókilderin sausaqpen sanap alasyz. Ákimder arasynda da qazaq emester joq. Audan әkimderi arasynda ishinara ghana ózge últtar. Últtyq kompaniyalar dengeyinde de osy kórinis", dep keyipti.

Dәl osy jaghday shetten oralghan qandastarymyzdyng da basynda bar. Qayta, Roman Sklyar premierding orynbasary eken ghoy. Onday lauazym qandastarymyzdyng oiy túrmaq, týsine de kirgen emes. Qandastarymyz lauazym, payda izdep kelgen joq. Óz Otanynda ómir sýru ýshin kelip jatyr. Kóship kelgenderding ishinde bilikti azamattar joq emes, bar. Kóp. Biraq, mine otyz jyl boldy, Ýkimet ózi bilip olardy lauazymdy qyzmetke qong jaghyn oilastyrghan joq...

Jalpy, men kelip jatqandardy kemsituge tipten qarsymyn! Qazaqstan - qazaqtyng qara shanyraghy, әlemdegi jalghyz Otany! Oghan tarihy sebeptermen bólinip qalyp, shette jýrgen iysi qazaqtyng bәri keluge qúqyqty. Olardyng bilim jәne mәdeniyet dengeyi әr týrli boluy mýmkin, oghan olar jazyqty emes. Eng bastysy, shetten kóship kelgen qandastarymyz Qazaqstanda túraqty ómir sýredi. Osyndaghy júrt ne kórse, sony basynan keshiruge dayyn! Otanyna degen adaldyghy men senimi berik!

Búl - tonnalap altyn berip, satyp ala almaytyn qúndylyq! Bir buyn ókilderi ala-qúla ómir sýrgenimen, kelesi buyn tenesip ketedi. Basqadan aqsha ayaugha bolatyn shyghar. Qazaq kóshinen qarajat ayamau kerek! Sondyqtan, ketkenge keyimeyik, kelgendi kemsitpeyik, aghayyn!

Auyt Múqiybek,

Últtyq qoghamdyq senim kenesining mýshesi.

Abai.kz

15 pikir

Ýzdik materialdar

Alghys aitu kýni

Alghys aitu kýni jәne onyng shyghu tarihy

Jomartbek Núrman 1578
Alashorda

Qojanov mejeleu nauqanynda (Jalghasy)

Beybit Qoyshybaev 2272
Ghibyrat

Qaysar ruhty ghaziz jan

Múhtar Qúl-Múhammed 3590