Keshe, 27 aqpanda Núr-Súltan qalasyndaghy QR Últtyq akademiyalyq kitaphanasynda «Otandastar» oqu zaly ashyldy. Ruhany ordanyng ashyluy «Otandastar qory» men Dýniyejýzi qazaqtary qauymdastyghy jәne QR Últtyq akademiyalyq kitaphanasynyng bastamasymen jýzege asty. 

Shara bastalmas búryn kitaphanagha kelgen oqyrmandar men qonaqtargha suret kórmesi úiymdastyryldy. Álem súlulyghyn qylqalammen beynelegen atajúrtqa qytay elinen kelgen qandas bauyrlarymyz Tolqyn Tabysbek, Zerde Baqytbek, Qayrat Jәiirbekúly, Jalyn Bauyrqan shygharmashylyghyn kórermen qauym joghary baghalady.

«Otandastar» oqu zalynyng ashylu saltanatyna professor, jazushy, ghalym Myrzatay Joldasbekov, «Otandastar qorynyn» viyse-preziydenti Maghauiya Sarbasov, belgili qalamger Súltan Orazaliyn, týrkitanushy ghalym Qarjaubay Sartqojaúly jәne jurnalistter men ziyaly qauym ókilderi qatysty.

Bas qalamyzda «Otandastar» oqu zalynyng ashyluy qazaq ruhaniyatyna sýbeli qazyna bolyp qosylghan shoqtyghy biyik shara boldy. Altay men Atyrau arasyndaghy qalamy qarymdy, oiy jýiirik qazaq qalamgerlerining kitap qoryna taghy bir sarqylmas qazyna qosyldy. Qazaq mәdeniyeti men órkeniyetining damuyna quanghan oqyrman qauymnyng quanyshynda shek bolmady. Arqanyng qara tasty qanbaqtay jerden úshyrar boranyna qaramay, enkeygen kәriden jasóspirim balalaryna deyin ruhany jiyngha tegis jiyldy.

Álem qazaqtarynyng shygharmalary jiylghan oqu zalynda «Qazaq әlemi» - «Mir kazahov» kitabynyng elektrondyq núsqasynyng túsaukeseri ótti. Últtyq akademiyalyq kitaphana ayasynda, «Otandastar» sifrly kitaphanasy qúrylghany jónindegi aqparat oqyrman qauym kóniline jәne bir mәrte quanysh syilady. Qazirshe kitap qory 2000 kitaptan asqan «Otandastar» oqu zalyna әli de tom-tom kitaptar syigha tartylatynyna senim mol.

«Otandastar qory» men Dýniyejýzi qazaqtary qauymdastyghynyng «Otandastar» oqu zalyn ashu bastamasyn qoldaghan Últtyq akademiyalyq kitaphana újymyna myng alghys.

Jýregi dalasynday darqan qazaq halqynyng әr tany arayly, әr kýni shuaqty bolsyn!

Múhtar Serjan

Abai.kz