Jeksenbi, 23 Aqpan 2020
Qwyılsın köşiñ 1304 15 pikir 23 Qañtar, 2020 sağat 14:27

Bıltır 17 mıñnan astam qandas köşip keldi

2019 jılı 17 661 etnikalıq qazaq nemese 9 993 otbası tarihi otanına oraldı jäne oralman märtebesine ie boldı. Oralmandardıñ köpşiligi Qıtaydan – 41,5% (7 326 adam), Özbekstannan – 40,1% (7 074 adam), Türkmenstannan – 6,5% (1 152 adam), Monğoliyadan – 6,2% (1 095 adam), Reseyden – 1,8% (313 adam), 3,9% (701 adam) basqa elderden keldi.

Oralmandardıñ basım köpşiligi Almatı – 38%, Mañğıstau – 14% oblıstarına, Şımkent – 7% jäne Nwr-Swltan – 6% qalalarına qonıstandı.

Kelgen oralmandardıñ jalpı sanınan eñbekke jaramdı jastağı adamdar 62,7%-dı (11 082 adam), eñbekke qabiletti jastağılar – 30,7%-dı (5 420 adam), zeynetkerler – 6,6%-dı (1 159 adam) qwraydı.

Eñbekke jaramdı jastağı oralmandardıñ işinen bilim deñgeyi boyınşa 13,6% – ı joğarı bilimdi, 25,2%-ı – orta arnaulı bilimdi, 46,7%-ı – jalpı orta bilimdi, 14,5%-nıñ bilimi joq.

2019 jılğa QR Ükimeti 2 031 oralmandardı qabıldaudıñ öñirlik kvotasın bekitti, ol mınaday türde bölindi: Qostanay oblısı boyınşa – 815, Pavlodar oblısı boyınşa – 550, Aqmola oblısı boyınşa – 306 adam, Şığıs Qazaqstan oblısı boyınşa-250, Soltüstik Qazaqstan oblısı boyınşa – 110 adam.

Oralmandardı qabıldaudıñ öñirlik kvotasına engizilgen adamdarğa Nätijeli jwmıspen qamtudı jäne jappay käsipkerlikti damıtudıñ 2017-2021 jıldarğa arnalğan «Eñbek» memlekettik bağdarlamasın iske asıru şeñberinde subsidiya beru türinde qoldau körsetildi: köşuge – otbasınıñ ärbir müşesine 35 AEK (84,2 mıñ teñge) birjolğı tölem; twrğın üydi jaldau (jalğa alu) jäne kommunaldıq qızmetterge töleu boyınşa şığıstardı jabu üşin 12 ay boyı otbasına 15-ten 30 AEK (36,1-den 72,2 mıñ teñge).

Esteriñizge sala keteyik, 1991 jıldan 2020 jılğı 1 qañtarğa deyin 313 256 otbası nemese 1 057 280 etnikalıq qazaq tarihi otanına oralıp, oralman märtebesin alğan bolatın.

QR Eñbek jäne halıqtı äleumettik qorğau ministrligi

Abai.kz

15 pikir