Düysenbi, 17 Aqpan 2020
Dat 3233 26 pikir 22 Qañtar, 2020 sağat 11:49

Deputat Mamıraev. Jasalmağan kelisim. Jardan wşqan bap...

Qazaqstan Respublikasınıñ
Prezidenti Q.K.Toqaevqa.

Asa qwrmetti Qasım-Jomart Kemelwlı!

20 qañtar küni Mäjiliste «Qazaqstan Respublikasınıñ keybir zañnamalıq aktilerine halıqtıñ jwmıspen qamtıluı jäne köş-qon mäseleleri boyınşa özgerister men tolıqtırular engizu turalı» Zañınıñ jobası talqılauğa arnalğan 19 otırıs ötti.

Esteriñizde bolsa, «Qazaqstan Respublikasında zeynetaqımen qamsızdandıru turalı» Qazaqstan Respublikasınıñ 2013 jılğı 21 mausımdağı № 105-V Zañınıñ 13-babtıñ 18) tarmağındağı «Eñbek qızmeti» degen sözdi «Eñbek ötili» dep özgertu turalı wsınıs bergemiz. 

Sebebi, atalğan tarmaqşadağı «Eñbek qızmeti» degen wğım Qazaqstan Respublikasınıñ «Zeynetaqımen qamsızdandıru turalı» zañında da, «Eñbek Kodeksinde» de joq. Tek, «Eñbek ötili» degen wğımğa «Eñbek Kodeksinde» «jwmısker eñbek mindetterin orındauğa jwmsağan, küntizbemen eseptelgen uaqıt, sonday-aq osı Kodekske säykes eñbek ötiline kiretin özge de kezeñder;» dep, zañdıq anıqtama berilgen. 

Naqtılap aytsaq, ekeui de Qazaqstan Respublikasınıñ azamatı bola twra, jergilikti zeynetkerler men şetten oralğan zeynetkerlerdiñ eñbek etken jıldarın eseptude eki türli wğım paydalanılıp, ekeuin ekige bölip qarağan.

Bwl – eñ aldımen «Tegine, äleumettik, lauazımdıq jäne müliktik jağdayına, jınısına, näsiline, wltına, tiline, dinge közqarasına, nanımına, twrğılıqtı jerine baylanıstı nemese kez kelgen özge jağdayattar boyınşa eşkimdi eşqanday kemsituge bolmaydı.» degen Qazaqstan Respublikasınıñ Konstituciyasınıñ 14-babınıñ 2-böligine qayşı.

Atalğan wsınısımızdı deputat Beybit Mamıraev öz atınan Jwmıs tobınıñ talqısına salğan bolatın.

Aldıñğı otırısta zeynetker deputat Quanış Swltanovtan bastap, bäri bwl wsınıstı qoldap, ministrlik ökilderine şüylikken.

Keşe Jwmıs tobınıñ otırısına Eñbek jäne halıqtı äleumettik qorğau ministrligi Äleumettik qamsızdandıru jäne saqtandıru departamentiniñ basqarma basşısı Viktoriya Şegay jäne Baqıt Kalikenova degen eki qız kelip, deputat B. Mamıraevtıñ wsınısına qarsı şıqtı. 

Şegaydıñ sondağı aytqan uäji: Qazaqstan Respublikasına qonıs audarıp kelgen qandastarımızdıñ zeynetaqı mäselesin şeşu üşin Moñğoliya jäne Qıtaymen kelisim-şart jasalmaqşı eken-mıs. Qazir memleketter ara kelissöz jwmıstarı jürip jatıptı. Biraq, onıñ naqtı qaşan iske asatını turalı kesip eşteñe ayta almadı.

Sol-aq eken, deputat Beybit Mamıraev sılq etip, wsınısın qaytarıp aldı.

Qazaqstan men Moñğoliya arasında jasalğan äleumettik qamsızdandıru salasındağı ıntımaqtastıq turalı kelisimniñ küşi 2014 jılğı 8 säuirde joyılğan bolatın.

Onı joyuğa bastamaşı bolğan kim deysiz ğoy?! 

Qazaqstan Ükimetiniñ özi!

Al, Qazaqstan men Qıtay arasında mwnday kelisim ömiri bolğan emes!

Osı mäselege baylanıstı, şetten oralğan neşe mıñdağan zeynetker qandastarımız zardap şekti. 

2017 jılı Elordada ötken Düniejüzi qazaqtarınıñ V qwrıltayı qarsañında, Qwrıltaydıñ wyımdastıru komitetiniñ müşesi retinde sol kezdegi vice-prem'er Asqar Mämin arqılı Prezidentke bes wsınıs bergem.

Ol – Twñğış prezidenttiñ köşi-qon qorın qwru, Qıtaydan kelgen qazaqtarda talap etiletin «Sottılıq turalı» anıqtamanı küşinen qaldıru, bilim alu maqsatında kelgen Qazaqstan Respublikasınıñ azamattarı bolıp tabılmaytın wltı qazaq adamdar üşin kvotonı köbeytu, 11-qaraşanı «Wlttıq köşi-qon küni» merekesi etip belgileu jäne Qıtay men Moñğoliyadan kelgen zeynetkerlerdiñ zeynetaqısın jergilikti halıqtıñ zeynetaqısımen teñestiru turalı bolatın. 

Sol Qwrıltayda Elbası Nwrswltan Nazarbaev osı bes wsınıstıñ törteuin şeşu turalı Ükimetke tapsırma berdi. Sonıñ bireui – osı zeynetaqı mäselesi. 

«Qazaqstan Respublikasında zeynetaqımen qamsızdandıru turalı» zañınıñ 13-babına 2018 jılı tolıqtıru engizilip, 2019 jıldıñ 1 qañtarınan bastap, ol norma atqarılıp keledi. 

Ökinişke oray, Elbası pärmenimen berilgen bwyrıqtı atqaruşı bilik pen zañ şığaruşı organ dwrıs qabıldamay, Zañda «Eñbek qızmeti» dep jibergen ğoy. Bwl jolğı maqsat – orayı kelip twrğanda, sonı tüzetip jiberu ğana bolatın!

Sonda, Ükimet özi bwzğan memleket aralıq kelisimdi özi qayta jasauı mümkin be?!

Ekinşiden, kezinde müyizi qarağayday ministrler Berdibek Saparbaev pen Tamara Düysenova jasay almağan kelisim-şarttı bügin departamentiniñ basqarma basşısı Viktoriya Şegay qaytıp jasay qoymaq?!

Söytip, basqarma basşısı Şegay qız jasalmağan «kelisim-şarpen» bildey deputat B. Mamıraevtı şekeden şertip, şalqasınan tüsirdi de basınan attap ötip, kete bardı. Eñ kerekti bap jardan qwlap, qala berdi!..

Haldıq mwnday opasızdıqtı eşqaşan keşirmeydi!!!

Dünieniñ qorlığı sol, deputat Beybit Baymağambetwlı şaynap bergen nandı jwta almay, masqara boldı ğoy!

Mine, halıq senim artqan deputattıñ siqı!

Men deputat Beybit Mamıraevtıñ bwl äreketin memleketke degen jauapkerşiliginiñ joqtığı, wltqa jasağan qiyanat jäne Säbetten qalğan sasıq byurokratizmniñ batpağınan şığa almağandıqtıñ belgisi dep, bağalaymın!

Parlament – Mamıraev añırayıp qarap otıratın sayajay emes, eñ joğarğı Zañ şığaruşı organ! Deputattıñ bastı mindeti – sapalı zañ qabıldau!! Söytip, Qwqıqtıq memleket qwruğa dañğıl jol aşu!

Beybit Mamıraevtıñ ömirbayanın şolıp şıqtım, ğılım doktorı, professor, akademik dep jazılıptı. QR Prezidenti Äkimşiliginiñ İşki sayasat basqarmasında, elşilikte jauaptı qızmetter atqarıptı. Joğarı ou orındarın da basqarıptı. 

Ärine, ol kisi bilikti ğalım, isker basşı bolsa, bolğan şığar. Biraq tolımdı deputat emes eken!

Asa qwrmetti Qasım-Jomart Kemelwlı!

Men QR Prezidenti janındağı Wlttıq qoğamdıq senim keñesiniñ müşesi retinde Sizden «Qazaqstan Respublikasında zeynetaqımen qamsızdandıru turalı» zañındağı qatelikti tüzetip, qandastarımızdıñ zeynetaqı mäselesin şeşuge ıqpal etuiñizdi jäne atalğan zañdağı Qazaqstan Respublikasınıñ Konstituciyasına qayşı kelip twrğan qatelikti körip twrıp, tüzetuge äreket ete almağan Beybit Mamıraevtıñ deputattıq ökilettigin merziminen bwrın toqtatuıñızdı swraymın.

Qwrmetpen,

Auıt Mwqibek,

QR Prezidenti janındağı
Wlttıq qoğamdıq senim keñesiniñ müşesi.

Abai.kz

26 pikir