Ótkende Qazaqstan oryndaushylar odaghynyng basqarma tóraghasy bolyp, belgili әnshi, Almaty qalasy әkimining shtattan tys kenesshisi Meyrambek Besbaev saylanghan edi.

Búl ziyatkerlik menshik qúqyghyn qorghaytyn úiym. Ol osydan 10 jyl búryn qúrylghan. Ótkende biraz әnshi odaq basshylyghymen kezdespek bolyp, jiyn ótkizgen. Ol jerde әnshiler birneshe jyldan beri qalamaqy almaghanyn aityp, mәsele kótergen. Al Qazaqstan oryndaushylar odaghynyng negizgi qyzmeti - óner adamdaryna, olardyng tuyndylaryna qalamaqy tóleu bolghan. Yaghni, әnshining әni meyramhanada, telearnada nemese basqa jerde oryndalghan kezde tiyisti mólsherde qalamaqy tólenui tiyis bolghan. Alayda, jinalghandar birneshe jyldan beri qalamaqygha soqyr tiyn almaghanyn aityp, narazylyq bildiripti.

Ol jiyngha odaq basshylyghy kelmegen. Sóitip, úiymnyng eng jogharghy basqaru organy - basqarma mýsheleri tolyq qúramda dauys berip, tóraghalyqqa Meyrambek Besbaevty saylaghan. Su jana tóragha Besbaev búl mәseleni búrynnan biletinin jәne ony sheshuge әzir ekenin aityp, BAQ-qa súhbat berdi.

Besbaev: Ábden jem boldyq qoy bireuge...

«Búl oryndaushylardyng qoghamdyq úiymy. Búl jerde negizi әngime kóp. Jiynda biraz әnshi bolyp úiymnyng basshylyghyna narazylyghymyzdy bildirdik. Meni ayaq astynan bәri birauyzdan saylap jiberdi.

Ol jerde jalpy ne bolyp jatqanyn bilemin. Jalpy óner adamdarynyng qúqyghy qorghalyp jýrgen joq dep oilaymyn. Ol búrynnan kele jatqan úiym. Birneshe avtor, jazushy, әnshi bar. Qazir sol salanyng mamandary, zangerlerdi jinap jatyrmyn.

Mendegi oy - әr әnshining aqshasyn ýlestirip, tiyisti syiaqysyn alsa. Jalpy óner salasyn týsinetin adambyz ghoy. Qúday qalasa kirisemiz. Ol úiymda mәsele kóp. Ánshilerding birigetin kezi keldi ghoy dep oilaymyn. Ábden jem boldyq qoy bireuge», - dedi әnshi.

Keyin әnshi ózining «Instagram» jelisindegi paraqshasynda odaqtyng búrynghy basshylyghy tarapynan qoqan-loqy jasalyp, Mәjilis deputaty Zaghipa Baliyeva tarapynan qysym bolyp jatqanyn jazdy. Onyng aituynsha, qalamaqy bermey qantarylyp túrghan odaqtyng búrynghy basshylyghy jana basshylyqqa qoqan-loqy kórsetip, qarsylyq bildirgen. Al onyng artynda Mәjilis deputaty Zaghipa Baliyeva men onyng úly túrghan kórinedi.

Besbaev: Siz nege әnshilerding sharuasyna aralasyp, alashapqyn bop jatyrsyz?!

«Qúrmetti Zaghipa Yahiyaqyzy! Men 2020 jyldyng 15 qantar kýni Qazaqstan oryndaushylar odaghynyng basqarma tóraghasy bop saylandym. Dauys beruge úiymnyng eng jogharghy basqaru organy - qúryltayshylardyng jalpy jiyny jasaqtaghan basqarma mýshelerining barlyghy qatysty. Saylau ótkizuge qajetti kvorum boldy. Barlyq reglament pen zandylyq tolyqtay saqtaldy. Hattama toltyrylyp, meni bas diyrektor qyzmetine kirisuim turaly búiryq ta shyghyp qoydy. Endi kelip, búrynghy basshylyq jana basshylyqqa qarsy qoqan-loqqy kórsetip, әrtýrli jaghymsyz әreketter arqyly qarsylyq kórsetude. Búrynghy basshylyqtyng artynda Sizding úlynyz jәne óziniz túr ekensiz. Siz zandy týrde saylanghan maghan, basqarma mýshelerine qysym kórsetip, әrtýrli memlekettik jәne qúqyq qorghau organdaryna telefon shalyp jatyr ekensiz. Múnynyz mýlde dúrys emes dep bilemiz! Nege siz әnshilerding sharuasyna aralasyp, alashapqyn bop jatyrsyz?! Biz sony týsinbey otyrmyz. Búl әreket-qylyghynyz sizdey ýlken memleket qayratkerine jaraspaytyn sharua. Ánshilerge tiyesili aqshagha tek sizding balanyz iyelik etu kerek degen oy sizge qaydan kelgen?! Biz óz sharuamyzdy ózimiz sheshuimiz kerek, ózimizge tiyesili qarajatty ózimiz tiyisinshe júmsauymyz qajet. Enbekten týsken qarajat bir qaltagha, naqtyraq aitqanda sizding balanyzgha emes, myng qaltagha yaghny manday terimen tauyp jýrgen әnshiler men әn óndeushilerding qaltasyna týsu kerek. Sizden osynday әreketterinizdi toqtatudy talap etemiz!», dep jazdy Meyrambek Besbaev.

Óz kezeginde Mәjilis deputaty әnshining aiyptauyna jauap berip te ýlgerdi. «Tengrinews.kz» saytynyng jazuynsha, Mәjilis deputaty Meyrambek Besbaevtyng ózimen sóilesip, búl iske ózining qatysy joq ekenin aitqan.

Baliyeva: Eshtene bilmeymin, qatysym joq

«Meyrambekpen sóilestim. Eshtene bilmeymin, qatysym joq. Kýni boyy telefon soqtym, tútqany kótermedi. Keyin әleumettik jelide sóilestik. "Nege jala jabasyn? Bir nәrse istep jatqanymdy qaydan kórdin? Qújattardyng bәrin kórip alyp, maghan telefon soqpaysyng ba?" dedim. Endi kelistik, ol erteng qújattardyng bәrin qaraydy, anyqtap alady, qajet bolsa, sosyn taghy bir post jazady», - dedi Zaghipa Baliyeva.

Al jiyngha qatysqan әnshiler BAQ-qa pikir aityp, birneshe jyldan beri tólenbey kelgen qalamaqynyng tym bolmasa jarty somasy qaytaryluy kerektigin talap qylypty. Búl turaly «Tengrinews.kz» sayty jazdy.

Jenis Ysqaqova, QR Enbek sinirgen qayratkeri:

-Biz senip, tirkelip, sol úiymgha mýshe boldyq. Toghyz jyldan beri qalamaqynyng qayda ketkenin súradyq. Jiynda «Basshylyq bizding aldymyzda jauap bere almasa, zang aldynda jauap bersin» dep aittym.

Osy kýnge deyin bizding qalamaqymyzdy aqyry qúrtqan eken, endi sonyng eng bolmasa jartysyn qalpyna keltirip qor ashylsyn. Sebebi egde jastaghy әrtister, jalpy óner adamdary bir zeynetaqymen otyr. Biraq halyqtyng aldynda jasaghan enbegi zor emes pe? Biz sol kisilerding ónerimen óstik. Kez kelgen jaghday boluy mýmkin: bireui auyryp qaluy mýmkin. Qinalghan kezde, nauqastanyp qalghan әnshige sonday qor ashylsa aqsha bólinui kerek. Biraq ol úiym endi әnshilerding syiaqysyn qalpyna keltire me, joq pa, kim biledi...

Múqasan Shahzadaev, QR Enbek sinirgen qayratkeri:

- Ol oryndaushylyq qúqyqty qorghaytyn úiym. Qansha jyl boyy әnshilerding syiaqysyn tólemeui turaly jiyn boldy. Onyng aldynda tek kishigirim aqy tólengen. Keyin 4-5 jyl boyy eshqanday qarajat tólenbedi. Keyingi jyldary eshqanday syiaqy tólenbegendikten bastalghan dau. Ánshiler sol úiymgha tirkeledi. Yaghni, mening oryndauymda qansha әn bolsa, sonyng barlyghy tirkeledi. Sol әnderding qoldanyluyna qaray aqy tólenedi.

Ómirqúl Ayniyazov, QR Enbek sinigren qayratkeri:

- Úiym ashylghaly әrkimge әrtýrli qarjy týsken. Negizi mardymsyz: bireuge 5 myn, bireuge 10 myn, eng kóbi sol 30 myng tengedey týsken. Songhy bir jyldyqta mýlde tólenbegen. Ol úiymnyng adamyn da tanymaymyz. Onyng basshysy ónerdi týsinetin adam boluy kerek dep esepteymiz. Barlyghy ashyq týrde bolsa degen oi. Biz qyruar qarajat alsaq dep oilamaymyz әriyne. Tek bizden keyin kele jatqan jas әnshiler óz qúqyqtaryn bilse deymiz.

Abai.kz