Jwma, 28 Aqpan 2020
Ädebiet 2116 23 pikir 31 Jeltoqsan, 2019 sağat 14:59

Ädebiet äleminde atqarılğan aytulı şaralar

Biıl wlt ruhaniyatınıñ qara şañırağında auqımdı jwmıstar atqarıldı. Oqırman qauımnıñ nazarına osı jılı ädebiet äleminde bolğan iri oqiğalardıñ tizbegin qısqaşa wsınıp otırmız.

QAZAQ ÄDEBIETİ 6 TİLGE AUDARILDI

2019 jıldıñ 18 säuirinde «Jahandağı zamanaui qazaqstandıq mädeniet» jobası ayasında BWW-nıñ altı tiline audarılğan qazirgi qazaq ädebieti antologiyalarınıñ süyinşi danaları basılıp şığıp,tanıstırılımı ötti.

«60 qazaqstandıq avtordıñ tañdamalı şığarmaları bir mezette älemniñ eñ iri 6 tiline audarılıp, sol tilderde jwmıs isteytin eñ bedeldi baspalardan şığıp, 5 qwrlıqtağı 90-nan asa eldiñ joğarı oqu orındarına, kitaphanaları men ğılımi ortalıqtarına jetedi. Jalpı sanı 2 milliard 600 million halıq qazirgi qazaq ädebietiniñ jauharlarımen tanısuğa mümkindik aladı», – dedi basqosuda «Ruhani jañğıru» bağdarlamasın jüzege asıru jönindegi wlttıq komissiya hatşısı Aida Balaeva.

PREZIDENT JAZUŞILAR ODAĞINIÑ TÖRAĞASIN QABILDADI

31 mamırda Memleket basşısı Qasım-Jomart Toqaev Qazaqstan Jazuşılar odağı Basqarmasınıñ Törağası Wlıqbek Esdäuletti qabıldadı.

Qazaqstan Prezidentine ädebiet­tiñ qazirgi jağdayı men damuı, Jazuşılar oda­ğınıñ atqarğan jwmıstarı jäne aldağı josparı jöninde mälimet berildi. Qasım-Jomart Toqaev wlttıq ruhani äleuetti ilgeriletu isinde aqın-jazuşılar qauımı mañızdı röl atqaratının atap ötip, Jazuşılar odağınıñ jwmıstarına joğarı bağa berip, qalamgerlerge şığarmaşılıq tabıs tiledi.

EURAZIYA JAZUŞILARI BAS QOSTI

4 şilde küni Nwr-Swltan qalasında Euraziya astanalarınıñ halıqaralıq forumı ötti. Oğan Euraziya keñistiginiñ onşaqtı elinen belgili qalamgerler qatıstı.

Qazaqstan Jazuşılar odağınıñ Törağası, aqın Wlıqbek Esdäulet forum ayasında jurnalisterge:

«Forum Nwr-Swltan qalasınıñ äkimdigi men Jazuşılar odağınıñ qalalıq filialınıñ mwrındıq boluımen ötip jatır. Maqsatımız  – öz qazanımızda qaynay bermey, ädebietke jaña arna aşu, qazaq ädebietin älemge nasihattau, elimizdiñ halıqaralıq arenadağı imidjin köteruge atsalısu. Osı forumdı jıl sayın ötetin dästürli şarağa aynaldırsaq degen oyımız bar», – dep pikir bildirdi.

AZIYA QALAMGERLERİNİÑ TWÑĞIŞ FORUMI

4 qırküyek küni Elordada Qazaqstan Jazuşılar odağı QR Prezidenti Äkimşiligi men QR Mädeniet jäne sport ministrliginiñ qoldauımen «Aziya elderi qalamgerleriniñ I forumı» ötti. Forumnıñ aşılu saltanatında söz söylegen QR Prezidenti Q.Toqaev bwl mañızdı şara şığarmaşılıq qauımnıñ dialog alañına aynaluı kerektigin ayttı. Jiınğa 38 elden jäne elimizdiñ tükpir-tükpirinen kelgen qalamgerler qatıstı.

«Aziya qalamgerleri forumı şığar­ma­şılıq qauımnıñ mañızdı dialog alañına aynaluı kerek. Bwl mañızdı şara Aziya elderinde quattı türde ötui qajet dep sanaymın. Adamzattı tolğandırğan kürdeli mäseleler däl osınday alañdarda ortağa salınuı tiis. Aziyanı bükil älemdik ruhani damu ortalığı retinde damıtu ayrıqşa mañızdı. Sondıqtan  ädebi üderisterdi jañğırtu üşin jağday jasau bastı mindetterdiñ biri. Osı maqsatpen «Aziya alıbı» ädebi sıylığın tağayındağan jön. Älemdegi äygili sıylıqtar sekildi bwl marapattıñ da bedelin arttıruğa küş saluımız kerek», – dedi QR Prezidenti Qasım-Jomart Toqaev.

ÄBEÑ «QAZAQSTANNIÑ EÑBEK ERİ»

26 qazan küni Prezident Qasım-Jomart Toqaevtıñ jarlığı boyınşa Halıq jazuşısı Äbdijämil Nwrpeyisov «Qazaqstannıñ Eñbek Eri» atandı.

Älemge tanımal jazuşı biıl 95 jasqa keldi. «Qan men ter», «Kurlandiya», «Soñğı parız» sındı kesek tuındılardıñ avtorı.

İRGELİ WYIMNIÑ 85 JILDIĞI ATALIP ÖTTİ

9 jeltoqsan küni Almatıda Qazaqstan Jazuşılar odağı men «Qazaq ädebietiniñ» 85 jıldıq mereytoyı atalıp ötti. Jiınğa qalamgerler qauımımen qatar, QR Memleketttik hatşısı Qırımbek Köşerbaev, Almatı qalasınıñ äkimi Baqıtjan Sağıntaev qatısıp, söz söyledi.

«Bügin wlt ruhaniyatınıñ, qazaq söz öneriniñ mereyli belesine arnalğan mazmwndı äri märtebeli keşte bas qosıp otırmız. Wltqa wran tastalğan kezde aldımen ün qosıp, önegeli isti örge süyrep ilip äketu qalam wstağan qayratkerler qalıptastırğan igi dästür. Sondıqtan qazaq eli qaşanda jazuşılar qauımın janına süyeu, ruhına tireu sanaydı. Ejelden söz önerin kie twtqan, asıl sözdi ardıñ isi sanağan halqımız ötken ğasır basında bir tilekke wyısqan aqın-jazuşılarğa däl osılay ümit artqan bolatın. 85 jıldıq tarihında söz zergerleri sol ümitti halıq qamı men el seniminiñ temirqazığına aynaldıra bildi», – dedi öz sözinde Q. Köşerbaev.

Abai.kz

23 pikir