Düysenbi, 20 Qañtar 2020
1810 26 pikir 5 Jeltoqsan, 2019 sağat 13:58

Ukraina Toqaevtıñ sözinen keyin Qazaqstanğa demarş joldaydı

Qazaqstan prezidenti Qasım-Jomart Toqaevtıñ Qırım annekciyası turalı aytqan pikirine Ukraina Sırtı ister ministrligi alañdauşılıq tanıttı.

"BAQ-tağı Qazaqstan Respublikası prezidenti Qasım-Jomart Toqaevtıñ Qırımdağı Resey annekciyasın teristegen pikirine alañdauşılıq tanıtamız.

Ukraina Qazaqstandı ärdayım äriptes äri dos sanağan. Özara senim principteri - Täuelsizdikti qwrmetteu, memlekettiñ egemendigi men territoriya twtastığı, şekaranıñ bülinbeui men teñ qwqılılıq jäne bir-biriniñ işki sayasatına aralaspau, sonday-aq, Halıqaralıq qwqıqtağı jalpı moyındalğan normalardı saqtau bwl - Qazaqstan men Ukraina arasındağı memleketaralıq qarım-qatınastıñ negizi.

Bwl negizder sonau 1994 jılı dostıq äri äriptestik turalı kelisimge qol qoyu arqılı bekitilgen. Sodan beri bizdiñ elimiz bwl negizderge berik boldı.

Qazaqstan prezidentiniñ sözi joğarıda keltirgen Qazaqstan-Ukraina qarım-qatınastarınıñ principterine ğana emes, Halıqaralıq deñgeyde moyındalğan, BWW Bas Assambleyası rezolyuciyasında maqwldanğan poziciyalarğa qarama-qayşı keledi. 2014 jıl. 27 naurız. №A/RES/68/262.

Äsirese, Qazaqstan prezidentiniñ bwl sözi EQIW, ministrler keñesiniñ qarsañında aytılğanı ökinişti. Bwl wyımğa eki tarap ta müşe. Al Hel'sinki qorıtındı aktisine säykes, onıñ negizgi principteriniñ biri - özge memlekettiñ egemendigi men territoriyalıq twtastığın qwrmetteu. Qazaqstan jağına demarş jasaladı", dep jazılğan Ukraina SİM resmi saytında.

Esteriñizge sala keteyik, Qazaqstan prezidenti Qasım - Jomart Toqaev Germaniyağa saparınıñ aldında nemistiñ Deutsche Welle agenttigine swhbat berip, Qırım annekciyası turalı pikir bildirgen.

"Biz Qırımdağı jağdaydı anneksiya dep atamayız. Qırımğa qatıstı aytqanda bwl tım auır söz. Bolar is boldı”, – degen Prezident.

2014 jılı Resey Federaciyası Ukraina qwramındağı Qırımdı annekciyalağan bolatın. 2014 jıldıñ 16-naurızı Resey Qırımda referendum ötkizip, onıñ nätijesi boyınşa Qırım tübegin öz aumağına qosıp alğan.

Qazaqstan resmi türde Qırımdı Resey aumağınıñ böligi dep tanığan joq.  2014 jılı BWW Bas Assambleyası Ukrainadan Qırımnıñ bölinui turalı referendumdı zañsız dep tanitın qarardı köpşilik dauıcpen qabıldağanda Qazaqstan qalıs qaldı.

Abai.kz

26 pikir