Düysenbi, 20 Qañtar 2020
Sañlaq 6984 8 pikir 5 Jeltoqsan, 2019 sağat 12:57

Äkimniñ qolın wstap körmegen ardager paluan

Almatı oblısınıñ äkimi

Amandıq Batalov mırzanıñ nazarına!

Qasenhan Serğaziev – grek-rim küresinen Qazaqstan Respublikasınıñ halıqaralıq därejedegi sport şeberi, ardagerler arasında ötken sayısta älem çempionı atanğan qazaq!

Ağamız Almatı oblısı Panfilov audanınıñ tuması. Qazirgi uaqta tuğan auılında öz salası boyınşa şäkirt tärbeleumen aynalısadı eken.

Perm' qalasında ötken Resey çempionatına Nwrjan Nwrbekov degen şäkirtimen barıp, özi I orındı, şäkirti III orındı jeñip alıp qaytqan jolında «Nwr Otan» partiyasınıñ Respublikalıq qoğamdıq qabıldau bölmesine at basın bwrıp, bir ötinişpen kelipti. Biz de osı sätinde kezdesip, jeñisimen qwttıqtap, qolın qıstıq.

Qarpayımdılığı men qatar, minezi de bar eken ağamızdıñ. Qimılı şapşañ, sözi mirdiñ oğınday. Biraq, jılı sözge, şınayı qwrmetke mayday erip tüse qalatın aq köñili tağı bar eken. Telefonınan küres üstinen tüsirilgen vidioların körsetip, mäz-meyram boldı.

Biıl qazan ayında Gruziyada ötken ardagerler arasındağı grek-rim küresinen älem çempionatında Qasenhan Serğaziev ağamız altınnan alqa tağıptı. 62 kilogramm salmaq därejesinde beldesken jerlesimiz finalda türik baluanımen kezdesip, 8:4 esebimen jeñiske jetipti. Söytip, Kök tuımız biıl Qasekeñniñ arqasında älemdik çempionatta jelbirepti.

Apaytös ağamızdıñ jeñisine jelpinip twrğanımızda dañqtı paluan ağamız Daulet Twrlıhanov telefon soğıp, qwttıqtap jattı.

Tek, jarısqa attanar aldında audan äkimine barıp, jol qarajatın swrağanı bolmasa, eñ qızığı, bükil ömirin grek-rim küresine arnap, boz kilemde beldeskenin bet qaratpay kele jatqan Qasenhan Qırğauılbaywlı ömirinde oblıs äkiminiñ qolın alıp körmepti.

Ağamızdıñ bir ötinişin jerde qaldırmauğa tırısıp, Almatı oblısı äkiminiñ apparatına qoñırau şalıp edik, äkim apparatınıñ orınbasarı, öziniñ jerlesi eken, esine äreñ tüsirgendey boldı...

Bügingi tañda halıq pen biliktiñ arası jaqındap, sındarlı dialog ornap keledi. Al, elimizde halıqqa jaqın üş üş äkim bolsa, sonıñ biri – Amandıq Batalov. Mümkin, Amandıq Ğabbaswlı oblıstıñ şekaramen şektesetin bir tükpirinde jatqan, şöp şauıp jürip tike çempionatqa tartıp kete beretin Qasenhan Serğazievtı bilmeytin şığar. Negizi, mwnday älemdik deñgeyde tanılğan twlğalardı biluge tiis. Äkim bilmese, onıñ qol astındağı qızmetkerleri biluge jäne äkimniñ nazarına salıp otıruğa minttetti. Solay emes pe?!

Şınaşaqtay ğana şımır deneli ağamız kelesi jılı Afinada ötetin çempionatqa bara almay qalam ba dep, qayta-qayta alañdap, aldağı sayısqa da jaraulı twlparday jer tarpıp twr. «Barsam, bükteymin ğoy!» dep qoyadı nıq senimmen!

Sebebi, biılğı jarısqa baruğa qarjı tappay qattı qinalıptı...

Iä, talanttıñ köbi auılda. Qasekeñ qwsap, jauırdı jaba toqıp, qolda barın satıp bolsa da jarısqa qatısıp, qanjığasına jülde baylap qaytatındarı az bolsa kerek olardıñ. Köbi twrmıstıñ qıspağına qısılıp, äkim-qaralarğa sözin ötkize almay, mort ketetini jasırın emes.

Onıñ üstine, talanttı adamnıñ boyında minezi bolatını tağı bar. İlude bireu bolmasa, köp şeneunik onı tüsine bermeydi ğoy.

Meyli, kim ne dese, o desin, bügin özim sonday qarapayım, biraq közinen ot janğan, namısı men küşi keudesin kernep twrğan qazaqtıñ bir älemdik därejedegi çempionımen kezdeskenimdi – baqıtqa balap, qattı quandım.

Auıldan barıp, älemdik sayısta qarsılasın büktep qaytu – nağız erlik! Talanttı tirisinde qwrmetteu, eñbekti uaqıtında bağalau – parız!

Ölgen soñ, bäri – bos söz!

Aman bolıñız, Qasenhan ağa!

Öziñ sekildi auıldan şıqqan jaman bauırıñ seni endi eşqaşan wmıtpaydı. Erligiñdi emirene aytıp jüretin boladı elge.

Äkel qolıñdı, äzirinşe men qısıp, qwttıqtay twrayın! Ar jağın köre jatarsız...

Auıt Mwqibek,

QR Prezidenti janındağı

Wlttıq qoğamdıq senim keñesiniñ müşesi.

Abai.kz

8 pikir