Jwma, 13 Jeltoqsan 2019
Sañlaq 2488 5 pikir 18 Qaraşa, 2019 sağat 12:40

Aziya çempionatı: Qazaqstan 6, Özbekstan 3 altın medal' aldı

10-17 qaraşa aralığında Moñğoliya astanası Wlan-Batır qalasındağı «Buyant Ukhaa» sport sarayında bokstan jastar arasındağı Aziya çempionatı ötti. Turinge 2001-2002 jıldarı düniege kelgen boksşılar qatıstı. 

Jas boksşılar arasında ötken qwrlıq birinşiligi Qazaqstan qwraması üşin tabıstı boldı deuge tolıq negiz bar. Sebebi, bizdiñ boksşılar bwl sında 6 altın, 6 kümis, 2 qola medal' alıp, jalpı komandalıq esepte birinşi orınğa ie boldı. Al Özbekstan qwraması ekinşi orınğa jayğastı.

Kezekti çempionattıñ jartılay finalına 15 qazaqstandıq boksşı joldama alğan. Olardıñ toğızı jigit, altauı bwrımdı boksşı bolatın.

Jartılay finalğa jetken jigitter: Bazarbaywlı Mwhammedsabır (49 keli), Mahmud Sabırhan (52), Beybarıs Jeksen (56), Darhan Düysebay (64), Marğwlan Aydarwlı (69), Azamat Bektas (75), Erasıl Jaqpekov (81), Toğambay Sağındıq (91) jäne Sabırğali Amanat (+91).

Qızdar - Anel' Sakış (51 keli), Wljanay Mamutova (60), Baljan Asqar (64), Maya Beysebaeva (69), Araylım Baqıtjanqızı (81) jäne Gülsaya Erjan (+81).

Atalğan 15 boksşınıñ üşeui 1/2 finalda sürinip, qola medaldi qanağat twttı. Olar: Marğwlan Aydarwlı (69 keli), Erasıl Jaqpekov (81) jäne Baljan Asqar (64).

Osılayşa finalğa Qazaqstan qwramasınan on eki boksşı şıqtı. Al Özbekstan, Qıtay jäne Ündistan qwramalarınan altı, Taylandtan tört, Japoniya, Taypey, Qırğızstan jäne Oñtüstik Koreyadan bir boksşı finalğa joldama aldı.

Aqtıq sında jwdırıqtasqan 12 qazaqstandıqtıñ altauı altın medal' aldı. Ökiniştisi, finalğa şıqqan bes bwrımdı boksşımızdıñ beseui de kümis medal' aldı.

Qazaqstandıq er boksşılardıñ qatısuımen ötken finaldıq jekpe-jekterdiñ nätijeleri:

49 keli Mwhammedsabır Bazarbaywlı - Selay Soy (Ündistan) - 4:1
52 keli Mahmud Sabırhan - Suhet Suravut (Tayland) - 5:0
56 keli Beybarıs Jeksen - Hurşidbek Rasuljonov (Özbekstan) - 5:0
64 keli. Darhan Düysebay - Javlonbek YUldoşev (Özbekstan) - 5:0
75 keli Azamat Bektas - Suhrobjon Kaimov (Özbekstan) - 1:4
91 keli Toğambay Sağındıq - Samadov Amirşoh (Özbekstan) - 5:0
+91 kg. Amanat Sabırğali - YU Dong Djin (Oñtüstik Koreya) - 5:0.

Finalda öner körsetken bwrımdı boksşılarımız: 

Anel' Sakış (51 keli),
Wljanay Mamutova (60),
Maya Beysebaeva (69),
Araylım Baqıtjanqızı (81),
Gülsaya Erjan (+81).

Erler arasındağı jalpıkomandalıq esep:

1. Qazaqstan — 6-1-2 (9)
2. Özbekstan — 3-3-2 (8)
3. Japoniya — 1-0-2 (3).

Quanış Qappas

Abai.kz

5 pikir