Seysenbi, 10 Jeltoqsan 2019
1145 1 pikir 15 Qaraşa, 2019 sağat 13:36

31% mektep tehnikalıq dayındıqsız bolsa da, «Kündelik» jüyesin engizu qanşalıqtı dwrıs?

Qazaqstan Respublikasınıñ

Bas prokurorı

Ğ.D.Nwrdäuletovke

Qwrmetti Ğizat Däurenbekwlı!

«Aq jol» partiyası Sizge 2,8 million oquşı men olardıñ ata-analarınıñ jäne jartı millionğa juıq mwğalimniñ qızığuşılığın tudırğan «Kündelik» avtomattandırılğan aqparattıq jüyesi jöninde saual joldap otır. Jüyeniñ mektepterde mindettelui zañ jäne qwqıq normalarına säykestigi kümän tudıruda.

1. «Kündelik» bağdarlamasınıñ saytında ünemi türli tauarlar men qızmetterdiñ kommerciyalıq bağıttağı jarnamaları şığıp otıradı. Osığan baylanıstı, bilim beru isinde mindetti sanalatın qorda kommerciyalıq jarnamanı jariyalauğa qanşalıqtı bolatının tekserudi swraymız.

Bizdiñ oyımızşa, bwl oquşılardıñ twtınuşılıq psihologiyası men tärtibine, balalardıñ qataymağan sanasına teris ıqpal etedi.

BAQ-da aytılğanday, dinge qatıstı nemese türmelerge tauar jetkizu qızmettegi turalı mazmwndağı jarnamalardıñ balalardı tärbieleu men mädenietke baulu jüyesinde boluı orınsız.

2. Ata-analardıñ aytuınşa, sayt operatorı bilim beru isine qatıstı qajetti aqparattı alu üşin tölem jasaudı engizgen. Mäselen, mobil'di qosımşalarğa, mwğalimmen keri baylanıs jasau, sabaq ülgerimi turalı derekqorlarğa ötu üşin aqı töleu kerek.

Al, Ata Zañımızda twrğındarğa memlekettik orta bilim beru mekemelerinde tegin oqu kepildendirilgen.  Osı Zañnıñ ayasında mektepterde kez-kelgen şığındarğa aqşa jinauğa tıyım salınğan. Kündelik bilim beru isinde mañızdı element ekeni belgili. Alayda, ol üşin kompaniya qaltasına aqı tölenui tüsiniksiz.

Osığan oray, «Kündeliktiñ» keybir funkciyaların paydalanuğa aqı töleu täjiribesi Qazaqstan Respublikasınıñ tegin bilim beru normalarına qanşalıqtı say ekenin tekseruiñizdi swraymız.

3. Sayttıñ operatorı «Kündelik» JŞS-niñ şeteldik kompaniyağa qatısı bar. Al, jüyede Qazaqstannıñ barlıq mektepterinde oqıtu ürdisi turalı jeke derekter men tolıq aqparattar ortalıqtandırılğan.

Bizdiñ pikirimizşe, aqparttıñ mwnday şoğırı barınşa qorğaluı tiis jäne şeteldik ülesi bar jeke kompaniyalardıñ basqaruına berilmeui kerek.

Bwl jağdaydıñ jas qazaqstandıqtardıñ jeke derekterin qorğau bağıtı boyınşa zañnamağa qanşalıqtı say ekenin tekseruiñizdi swraymız.

4. 2016 jıldıñ naurız ayında reseylik «Dnevnik.ru» OOO qatısuımen bwl joba asığıs jasalğan bolatın. Sol kezdegi QR Bilim jäne ğılım ministriniñ tüsiniksiz sebeptermen jobanı qoldap, sayttıñ operatorı retinde «Kündelik JŞS-i tanılğanı kökeyde saual tudıradı.

«Aq jol» partiyasına birqatar İT-önimderin äzirleuşiler «Kündelik JŞS-iniñ jüye operatorı boluımen kelispeytindigin aytıp, jügingen bolatın. 2010 jıldan beri elimizdegi mektepterde osınday jüyeni sätti engizip jürgen qazaqstandıq merdiger kompaniyanıñ konkursqa qatısuğa bergen swranımı eskerilmegeni Wlttıq ekonomika ministriligi bekitken «Memlekettik-jeke seriktestik jobaların jobalau jäne jüzege asırudıñ Erejeleriniñ» (№725 25 qaraşa 2015 jıl) bwzıluın sipattaydı.

Osı taqırıpqa baylanıstı 2018 jıldıñ 11 säuirinde jasağan deputattıq saualımızğa jauap retinde bwrınğı QR Bilim ministri konkursqa ekinşi qatısuşınıñ «Memlekettik-jeke seriktestik jobasınıñ Twjırımdaması» joqtığı Erejeni 134 tarmağın bwzatındığına siltedi.

Alayda, Erejeniñ atalğan tarmağında Twjırımdama talap etilmegen. Bir sözben aytqanda, ministrdiñ sözi şındıqqa janaspaydı.

«Atameken» QR Wlttıq käsipkerler palatasınıñ 2017 jıldıñ 4 naurızındağı konkurstı qayta ötkizu jönindegi wsınısı jüzege aspadı.

«Aq jol» partiyasınıñ deputattarı mwnday jobalar narıqtıq äreketterdiñ orındaluın qadağalauımen ädil bäsekelestik şeñberinde ötkizilui kerek dep sanaydı.

Osığan oray, ädil bäsekelestiktiñ talaptarınıñ negizinde «Kündelik JŞS-niñ avtomattandırılğan aqparattıq jüyede operator boluınıñ zañdılığın anıqtau üşin :

5. «Birıñğay elektrondı kündelik» jobasın jüzege asıruda «Kündelik» JŞS-niñ Qazaqstan Respublikasınıñ azamattarınıñ derekterimen jwmıs isteui qanşalıqtı zañğa säykestigin tekseruge;

6. 100% memleketke tiesili jäne memlekettik organdardıñ aqparattıq qauipsizdigin qamtamasız etetin wyımnıñ resurstarına şeteldik qatısumen seriktestiktiñ IT-önimderin ornalastırudıñ zañdılığın anıqtauğa;

7. Avtomattandırılğan «Kündelik» jüyesin «Wlttıq aqparattıq tehnologiyalar» AQ-nıñ qorında jıl sayın jariyalauğa qanşa qarjı jwmsalatının jäne qarjını kim töleytinin anıqtauğa;

8. QR bilim ministrliginiñ Elimizdegi mektepterdiñ 31%-nıñ tehnikalıq twrğıdan dayın bolmağanına qaramastan «Kündelik» jüyesin barlıq mektepterde engizu äreketine qwqıqtıq bağa beruiñizdi swraymız.

Qwrmetpen, «Aq jol» partiyasınıñ deputattarı

Abai.kz

1 pikir