Seysenbi, 10 Jeltoqsan 2019
Bilik 1311 1 pikir 15 Qaraşa, 2019 sağat 12:37

Berdibek Saparbaev jambıldıq twrğındarmen kezdesti

QR Prem'er-Ministriniñ orınbasarı Berdibek Saparbaev Jambıl oblısına jwmıs saparı barısında qoğam ökilderimen, pedagogtar jäne densaulıq salasınıñ mamandarımen kezdesti.

Aldımen, vice-prem'er bastağan ükimettiñ jwmısşı tobı oblıstıq qazaq drama teatrında jambıldıq türli salanıñ mamandarı men qoğam belsendileri men ükimettik emes wyımdardıñ ökilderimen kezdesti. Onda B. Saparbaev memlekettiñ äleumettik-ekonomikalıq sayasatındağı ayrıqşa män berilip otırğan basımdıqtarğa toqtaldı. Öz sözinde büginde Taraz qalasınıñ şın mänisinde kün sanap tarihi kelbeti ayşıqtalıp, jañğırıp kele jatqanın aytıp ötken Prem'er Ministrdiñ orınbasarı el Ükimeti aldındağı auqımdı mindetterdi tilge tiek etti.

Twrğındardıñ twrmıs sapasın jaqsartudıñ bir jolı - medicinalıq qızmettiñ qoljetimdi boluı ekeni belgili. Halıq densaulığın saqtauda alğaşqı därigerlik kömekti tiimdi wyımdastırudıñ mañızı zor. Bwl rette Jambıl öñiri jwmıstı jüyeli jürgizip, respublika boyınşa alğa şığıp otır. Osını basa aytqan Berdibek Saparbaev densaulıq saqtau ministri Eljan Birtanovqa eldi mekenderdi ambulatoriyalar jäne medpunkttermen qamtuda özgeşe ülgi körsetip, memlekettik-jekeşelik äriptestik tetigin tiimdi paydalanıp otırğan Jambıl oblısınıñ täjiribesin özge öñirlerge taratudı tapsırdı.

Kezdesude vice-prem'er keler jıldan bastap engizuge wsınılıp otırğan ataulı äleumettik kömektiñ jaña jüyesi turalı da aytıp ötti.

«Şın mwqtaj azamattardı äleumettik twrğıda qorğau üşin äri masıldıq piğıldı örşitip almau maqsatında Ükimet ataulı äleumettik kömekti töleudiñ mehanizmin özgertudi wsınıp otır. Biz bir närseni tüsinuimiz kerek. Bwl - atı aytıp twrğanday, ataulı kömek. Jıl boyı tölenetin jalaqı emes. Ol qoldauğa zäru otbasılarğa äleumettik jağdayın tüzep alu üşin belgili bir merzimge tağayındaladı. Ekonomikanı twraqtandırudıñ jolı - eñbek», - dedi Berdibek Mäşbekwlı.

Ükimet basşısınıñ orınbasarı sonday-aq mümkindigi şekteuli jandardı oñaltu maqsatında beriletin arnayı qwrılğılarmen qamtu jüyesin jaqsartu üşin arnayı portal aşılğanın da tilge tiek etti. Tiisti qwral-jabdıqtarğa tapsırıs beruge tender eñ tiimdi jol emes ekenin, sonıñ saldarınan bwğan deyin qoldaudı qajet etetin azamattardı kerek qwrılğımen qamtuda kedergi tuındağanın söz etti. Arnayı portal endi osı tüytkilderden qwtıluğa mümkindik bermek. Jiında jwmıspen qamtu, birıñğay äleumettik qor jäne birıñğay äleumettik tölem turalı da aytıldı.

Vice-prem'erdiñ Jambıl jwrtşılığımen jüzdesui erkin formatta ötkenin ayta ketken jön. Twrğındar Berdibek Saparbaevqa kökeyde jürgen swraqtarın qoyıp, özekti mäselelerdi alğa tarttı.

Sonday-aq, QR Prem'er-Ministriniñ orınbasarı Berdibek Saparbaev öñirdiñ pedagog qauımımen jüzdesip, salağa qatıstı birqatar mäselelerdi saraladı. Taraz qalasındağı №30 mektep-gimnaziyasında ötken kezdesuge oblıs äkimi Asqar Mırzahmetov, Bilim jäne ğılım ministriniñ orınbasarı Şolpan Karinova qatıstı. Basqosuda alğaş bolıp söz alğan Bilim jäne ğılım ministriniñ orınbasarı Şolpan Karinova saladağı özekti mäselelerdi ortağa salıp, olardı şeşu bağıtında atqarılıp jatqan jwmıstardı tilge tiek etti.

«Qazir respublikadağı barlıq mektepteri 10-sınıpqa deyin jañartılğan bilim beru jüyesin köşti. Pedagogter bwl jüye boyınşa biliktiligin arttıru kurstarınan da ötti. Özderiñizge mälim, bilim salasındağı eñ özekti mäsele «Pedagogter märtebesi turalı» Zañnıñ qabıldanuı bolıp otır.Qazir bwl zañ jobası Qazaqstan Respublikasınıñ Parlamentiniñ qarauında jatır. Sonday-aq biıl pedagogterdiñ biliktilik sanatın anıqtau testi wstazdar qauımınıñ wsınısına say elektrondı formatta öte bastadı», – dedi Şolpan Qanatqızı.

Vice-ministr öz sözinde mektepke deyingi bilim beru mekemelerin bağalaudıñ jaña jüyesi, dual'dı bilim berudi jetildirudiñ jay-japsarı turalı da aytıp ötti.

Öz kezeginde Berdibek Saparbaev wstazdarğa otandıq bilim berudegi özekti mäselelerdi şeşuge Ükimet tarapınan tiisti jwmıstardıñ qolğa alınğanın jetkizip, bwl iste birlese äreket etuge şaqırdı. Al kezdesudi qorıtındılağan oblısı äkimi Asqar Mırzahmetov oquşılardıñ ruhani tanım-tüsinigin damıtudı arnayı pändi oqıtu arqılı jolğa qoyu wsınısın jetkizdi.

Vice-prem'erdiñ oblısqa jwmıs saparı oblıstıq balalar auruhanasında tüyindeldi. Onda B. Saparbaev jambıldıq därigerler men medicina qızmetkerlerimen kezdesti. Basqosu barısında elimizdiñ densaulıq saqtau ministri Eljan Birtanov bayandama jasap, mindetti medicinalıq saqtandıru bastamasına qatıstı atqarılğan jwmıstardı tilge tiek etti. Sonday-aq ministr mindetti medicinalıq saqtandıru bağdarlamasın bwqarağa tüsindirude Jambıl oblısı aldıñğı qatarda kele jatqanın jetkizip, öñirdegi jwmısqa oñ bağasın berdi. Bayandama tıñdalğannan keyin jiınğa qatısuşılar ministrge mindetti medicinalıq saqtandıruğa qatıstı birqatar saualdarın qoydı. Ol barlıq saualdarğa twşımdı jauap berip, aymaq därigerlerin bwl bağıtta jwmıla jwmıs jasauğa şaqırdı.

Kezdesudi qorıtındılağan Berdibek Mäşbekwlı Jambıl oblısında atqarılıp jatqan jwmıstarğa köñili tolatındığın aytıp, alayda äleumettik jelilerde därigerler tarapına bağıttalğan sındarğa aymaqtıñ aq halattı abzal jandarı der kezinde jauap bermeytindigine qınjılıs bildirdi. Sol sebepti Prem'er-Ministrdiñ orınbasarı därigerlerge sın men min tağılıp jatsa, bwl twtas el medicinasına aytılğan dünie dep qabıldap, jwdırıqşa jwmılu qajettigin tapsırdı.

Abai.kz

1 pikir