Seysenbi, 10 Jeltoqsan 2019
1185 9 pikir 14 Qaraşa, 2019 sağat 11:19

Kreml' Nwrswltan Nazarbaevtıñ wsınısına ıñğay bildirmedi

"Putin kezdesu üşin ğana kezdesudiñ paydası şamalı, kezdesuge dayındıqpen kelu kerek dep sanaydı… Biz "norman formatına" dayındalıp jürmiz" dep mälimdedi Resey prezidentiniñ baspasöz hatşısı Dmitriy Peskov.

Ol mwnı seysenbi küni jurnalistermen kezdesuinde aytqan. Peskovtıñ sözinşe, Resey - Ukraina qatınastarı qalıpqa tüskenin Mäskeu de qalaydı, biraq ol Kievtiñ däl sonday ıqılasınsız mümkin emes"

12 qaraşada Qazaqstannıñ bwrınğı prezidenti Nwrswltan Nazarbaev Ukraina prezidenti Vladimir Zelenskiy men Resey prezidenti Vladimir Putin arasında Nwr - Swltan qalasında kelissöz ötkizudi wsınğan bolatın. Sol küni Nwr - Swltanda ötken forumda Nazarbaev bwl wsınısqa Zelenskiy kelisim bergenin, Putinniñ habardar ekenin aytqan.

Nazarbaev "Eger olar (Putin men Zelenskiy – red.) kezdesuge beytarap jer izdese Qazaqstandı wsınamın" degen bolatın.

Peskov meñzegen "Normand formatı" nemese "Norman törttigi" - Ukrainanıñ şığısındağı janjaldı retteu üşin 2014 jıldan beri jwmıs istep kele jatqan Ukraina, Resey, Franciya jäne Germaniya jetekşileri men sırtqı ister ministrliginiñ kezdesu formatı.

Resey men Ukraina arası 2014 jılı Resey Qırım tübegin anneksiyalap, Ukrainanıñ şığısındağı separatisterge qoldau körsetkennen keyin uşıqqan.

Abai.kz

9 pikir