Düysenbi, 18 Qaraşa 2019
420 16 pikir 8 Qaraşa, 2019 sağat 10:39

Qasım-Jomart Toqaev Vladimir Putinmen kezdesti

Qazaqstan men Resey arasındağı XVI öñiraralıq ıntımaqtastıq forumına qatısu üşin Ombığa kelgen Qasım-Jomart Toqaev Vladimir Putinmen kezdesti.

Memleketter basşıları ekijaqtı qatınastardı damıtudıñ perspektivaları men öñirlik deñgeydegi ıqpaldastıqtıñ özekti mäselelerin talqıladı.

Qasım-Jomart Toqaev qonaqjaylıq tanıtqanı üşin Vladimir Putinge rizaşılıq bildirip, forumnıñ tiimdiligi men tabıstılığın atap ötti.

– 2003 jılı Qazaqstannıñ Twñğış Prezidenti Nwrswltan Nazarbaev pen Sizdiñ küş-jigeriñizdiñ arqasında Ombıda öñiraralıq deñgeydegi alğaşqı kezdesu ötti. Bwl mehanizm tolıqtay iske qosılıp, öñirler ıqpaldastığınıñ tiimdi qwralı retinde özin däleldedi. Eki eldiñ aymaqtarı arasındağı sauda köleminiñ artıp kele jatqanı öte mañızdı. Biz önerkäsip kooperciyasında, auıl şaruaşılığı salasındağı ıntımaqtastıqta zor tabıstarğa qol jetkizdik. Sondıqtan auqımdı jwmıs atqarıldı dep oylaymın, – dedi Qazaqstan Prezidenti.

Vladimir Putin Resey men Qazaqstannıñ arasın baylanıstıratın dästürli forumnıñ mañızdı ekenin ayttı.

– Elderimizdiñ arasındağı qarım-qatınastar tabıstı damıp keledi. Bıltır tauar aynalımı 14 payızdan astı. Investiciya kölemi wlğaya tüsti. Biz twraqtı türde kezdesip otıramız. Degenmen erekşe nazar audaratın mäseleler ärqaşan tabıladı, – dedi Resey Prezidenti.

Abai.kz

16 pikir