Düysenbi, 18 Qaraşa 2019
461 0 pikir 7 Qaraşa, 2019 sağat 16:56

Demokrattar Tramp impiçmenti boyınşa alğaşqı aşıq tıñdau ötkizedi

AQŞ prezidenti Donal'd Trampqa impiçment jariyalau mäselesi boyınşa zertteuge qatıstı qoğamdıq tıñdau kelesi aptada bastaladı. Bwl aqparattı 6 qaraşada AQŞ kongresiniñ ökilder palatasınıñ barlau jönindegi komitet jetekşisi Adam Şiff habarladı.

13 qaraşada ötetin qoğamdıq tıñdauda AQŞ-tıñ Ukrainadağı uaqıtşa senimdi ökili Uil'yam Teylor jäne AQŞ memlekettik hatşısı kömekşisiniñ orınbasarı Djordj Kent jauap beredi. 15 qaraşada AQŞ-tıñ Ukrainadağı bwrınğı elşisi Mari Yovanoviç jauap beredi. Şiff qoğamdıq tıñdauğa baylanıstı qosımşa aqparat aldağı uaqıtta jariyalanadı dedi.

Demokrattar Tramptı qızmettik ökiletin asıra paydalandı jäne özge eldiñ basşısın saylaualdı kampaniyasına aralastırıp, paydalanbaq boldı dep ayıptaydı. Tramp pen onıñ jaqtastarı ayıptı twtas joqqa şığaradı.

Bwğan deyin kongreste AQŞ-tıñ Ukraina boyınşa sayasatına qatısı bar ondağan diplomat pen Tramp äkimşiliginiñ qızmetkeri tıñdalğan. Olardıñ barlığı AQŞ tarabınan Kievke qısım nışanı bayqalğanın aytqan. Biraq eşqaysısında AQŞ prezidentiniñ bwl proceske tikeley aralasqanın däleldeytin ayğaq joq.

Eger ökilder palatası Trampqa impiçment jariyalasa, olardan keyin bwl mäseleni AQŞ senatı qaraydı. Bwl mäsele boyınşa tübegeyli şeşim şığuı üşin oğan kongrestiñ joğarı palatasınıñ üşten ekisi qoldap dauıs berui tiis.

Abai.kz

0 pikir