Beysenbi, 21 Qaraşa 2019
46 - söz 1459 13 pikir 6 Qaraşa, 2019 sağat 12:14

Bilik wltşıldıqtan nege qaşadı?

"Biz, ortaq tarihi tağdır biriktirgen Qazaqstan halqı..." dep bastalatın Konstituciyamızdıñ alğaşqı söyleminen-aq qazaqtıñ osı memleketti qwruşı wlt ekenine şübä keltiremiz. Ata zañdı "Täuelsizdiktiñ kepili" desek, "Biz, qazaq jeriniñ zañdı mwrageri - qazaq halqı..." dep, absolyutti köpşilikti qwrağan şañıraqtıñ haq iesi retinde söz bastauğa ne kedergi boldı?

Eldiñ iesi qazaq, jerdiñ kiesi qazaq. Äldebireude esemiz ketpese, eşkimnen enşilep eşteñe almappız. Bodandıqtıñ bwğauın moyınnan laqtırıp tastap, ayaqtağı twsaudı şeşip, arman - aqiqatqa aynalğan altın zamanda bw ne qılğan borkemiktik? "Jalpı tügel täuekelge minbey twrıp, jalqı eşteñe bitire almaydı. Qarapayım el degen bolmaydı. Jerine, suına, tiline, dinine, tarihına, tağdırına ie degen halıq boladı. Tek sonday halıq qana eserin tüzep, erine medet boladı. Qorlana bermey, arlana bileyik. Namıstıñ sözin söyleyik",- dep edi Äbiş atam. 300 jıldı äri sanağanda, basına täj kigen bergi 30 jılda qazaq wltınıñ eki türli "ölşemde" ömir sürgenine arlanayıq pa, qorlanayıq pa? Quattı memlekettiñ twğırın bekitip, ämbebap wlttı tüzu üşin tüp negizden ajırau kerek degendi kim ayttı?

Iä, köş basındağı Batıstıñ örkenietti qoğamı qazir etnikalıq tekke kindigi baylanbağan, liberalizmdi qwp köretin "azamattıq wltşıldıqqa" taban tiredi. Al bwğan kelu üşin olar sayasi-äleumettik, mädeni tüleudiñ nendey transformaciyasınan ötti? "Wltı üşin qwrmet qılmay,bas qamın oylap jürgen azamattardıñ eli artta qalıp otır. Wltşıl jwrttar dese, äne, Germaniya, YAponiya, Angliya, Türkiyalar, olardıñ balası jasınan "wltım" dep ösedi, eseygen sayın bar bilimin, küşin öz jwrtınıñ küşeyuine jwmsaydı. Olardıñ är adamı - memlekettiñ keregi, qızmetkeri",- demep pe edi Jüsipbek Aymauıt.

Al post-kommunistik qazaq biliginiñ wlttıq memleket qwrudan bas tartıp,    70% qazaqtan "qazaqstandıq" jasauğa äurege tüskeni olardıñ süyekke siñgen mentalitetinen alıstamaytının añğartsa kerek. Jäne bwl sayasi wstanım äri qaray jalğasın tabatınına älgi jigittiñ sayasi tolğauı men ayıptauşı ritorikasınan wqtıq.

"Aspanda qalıqtap, qwdıqtan su işpek bolıp qwdıqqa qonğan torğay: "Şeksiz aspandı şarlaymın dep äbden şöldedim",- dese, qwdıqtıñ tübinde jatqan qwrbaqa: " Köz aşqalı aspandı körip kelemiz. Qwdıqtıñ auzına sıyğan aspandı ne boldı "şeksiz"dep? Sen de suayt ekensiñ" dep aşulanıptı."
Osı sekildi eki türli "beldeude" ömir sürip jatqan sayasi elita men qalıñ bwqara birin-biri tüsinuden qaldı.

Wltşıldıqqa meyiri qanbağan wlttan memleketşildik sananı talap etedi...
Nonsens qoy...

Qwday-au, memleketiñ - şañırağıñ deseñ, wltıñ - balañ ğoy. Memleketşildik pen wltşıldıqtıñ arası osı ğoy!

Bwlar nege wltşıldıqtan qaşadı? Şañırağıñnıñ - memleketiñniñ şırağı sönbes üşin, eñ birinşi balañnıñ - wltıñnıñ qamın jasau şart emes pe?
Saualımnıñ logikasın bükil el tüsingende, Erlan Qarin tüsinbey qalıptı.
"Wltşıldıq öz missiyasın atqardı", "elde qos bilik joq" dep közimizdi baqıraytıp qoyıp swhbat beretin adamnıñ jaltarma jauabı dep qabıldadım.

"Saualı bwyrıq tektige – solqıldaq jauap jürmegen"

Dina Elgezektiñ facebook paraqşasınan

Abai.kz

13 pikir