Jwma, 13 Jeltoqsan 2019
46 - söz 1905 5 pikir 1 Qaraşa, 2019 sağat 11:48

"Halıq wyqıda" degender qattı qatelesedi...

"Halıq wyqıda" degender qattı qatelesedi...
"Wyqıda" degennen göri, bwl jağdaydı "Dauıl aldındağı tınıştıq" dep surettegen dwrıs sekildi..

Qalalıqtardıñ ortasında jürmin..

Apta sayın bolmasa da, ay sayın Oñtüstiktiñ auıldarın aralaymın.
Odan qalsa ala jazday Qazaqstannıñ soltüstigi men şığısın araladım.

2019 jıldıñ basınan "Şımkent adaldıq alañı" jobasınıñ jwmıstarına belsene aralastım.
Partiya müşesi bolmasam da «NwrOtan» partiyası Şımkent qalalıq filialı janındağı sıbaylas jemqorlıqqa qarsı is-qimıl jönindegi Qoğamdıq keñesine müşelikke şaqırıp edi. Bas tartpadım.

Birer kün bwrın sol Qoğamdıq keñestiñ qwramında azamattardı qabıldauğa qatıstım. BAQ jäne äleumettik jeliler arqılı qanşama habarlandıru berilse de, qabıldauğa 1-aq azamat keldi. Onıñ özin men arnayı şaqırğam.
(30 jıl mwğalim bolıp istegen baspanasız äriptesim. Küyeui 1-toptağı mügedek. Azamat bolıp qalğan 2 wlı bar eken - ekeui de jwmıssız)
Million! twrğını bar qalada - 2 sağat işinde qabıldauğa 1! ğana azamat keldi.

Osıdan-aq özderiñiz oy tüye beriñizder. Tek "Halıqta eş problema joq. Bärin şeşip tastağanbız" dep jürmeñizder.

Jürgen jerimde adamdardıñ köñil-küyin zertteytinim bar...
Halıq bilik ökilderine de, ülkendi-kişili deputattarğa da, sayasi partiyalarğa da, jäne "Oyan, qazaq" dep jürgen türli qozğalıstardıñ bir de bireuine senuden qalğan..

"Wlttıq Senim Keñesi" qwrılğanda halıqta bir ümit payda bolıp edi.
Qazir ol ümit te kün ötken sayın kömeskilenip, el arasında "Qos bilik" turalı qaueset bel alıp bara jatır.

"Qos bilik joq" degen qwrğaq sözben halıqtı sendiru qiın.

Ne isteu kerek?

Bolatın närse bolmay qoymaydı.
Sondıqtan, Wlttıq Senim Keñesi halıqtıñ seniminen birjola ayırılıp, ümitin söndirgisi kelmese, eşkimge jaltaqtamay qwrılğandağı maqsatı bağıtında batıl äreketke köşkeni jön. Äytpese, birer ayda özderine berilgen "Senim limitin" olar da birjola tauısadı.
Qwday ümitsizdikten saqtasın!
Qırğızdıñ 2 töñkerisi de, biliktiñ halıqtıñ senimnen ayırıluınıñ jemisi edi.
Qazaq biligi sodan sabaq almadı.
Biraq äli de keş emes..
Mınau mülgigen tınıştıq aldamşı ekenin wmıtpañızdar!

Ömir Şınıbekwlınıñ facebook paraqşasınan

Abai.kz

5 pikir