Áleumettik jelide qos-qostap bәige tigip, lotoreya oinatqyshtar tegi qaptap ketti. Ásirese, esim-soyy elge tanymal әnshiler bir-birimen jarysqanday bolyp jatyr. Bәigeleri de kóz arbaytyn, kónil aulaytynday-aq. Kólik, ýi, qomaqty qarjy...

"Bes-on tengege biylet alyp, kólik útyp al" dep bastalady, bәrinde. Bir ssenariy. Bir tekst. Qúddy bir-birining mәtinin súrap oqyp jatqanday...

Kóshedegi kóldeneng kókattynyng biri emes, esimi elge belgili adamdardyng auzynan aitylghan aqpargha júrt senedi. Sengen son, satyp alady. Bir-birlep emes, qos-qostap alady. Almasqa kәne, әlgi әidik әnshining әngimesi solay isteuge - mәjbýrleydi.

Al, әnshilerding múnday әreketine Zang ne deydi? Biz búl turaly sarapshylardyng pikirin bilgen edik. Mәjilis deputaty Berik Dýisembinov qazir osy mәsele boyynsha arnayy komissiya qúrylghanyn aitady.

Áleumettik jelide oinatylyp jatqan lotoreyalar - zansyz!

Berik Dýisembinov, QR Mәjilis deputaty:

- Bizden kósh ilgeri ketip qalghan elder bar. Ol elderde lotoreya biznesi - ekonomikanyng ýlken bir salasy.

Ol ashyq týrde ótui kerek. Jәne onyng ózindik erejesi bolady. Sondyqtan bizde 2016 jyly "Lotereyalar jәne lotereya qyzmeti turaly" Zang qabyldanghan. Al, qazir biz sol Zangha ózgertuler engizudi qarastyryp jatyrmyz. Men sol komissiyanyng mýshesimin. Ol Zang jobasynyng ishinde әkimshilik jauapkershilikpen qatar basqa da kórsetkishter bar.

Jalpy, әr adam ózining joly bolatynynan ýmittenedi. Sondyqtan múnday útystargha qatysugha, lotoreya oinaugha әr adamnyng qúqyghy bar. Biraq, ol oiynnyng ashyq, taza, sharttarynyng týsinikti boluy ýshin bir ortaq ereje bolu kerek.

Al, әleumettik jelide oinatylyp jatqan nәrselerdi eshkim bilmeydi. Ony jeke adam ózi jariyalap, oinatyp jatady. Búl - zansyz dýniye. Osynday zansyzdyqqa tosqauyl qon ýshin de osy Zang jobasy talqylanyp jatyr.
Qazir Qazaqstanda lotoreya oiynyn oinatugha memlekettik rúqsaty bar "Sәtti júldyz" degen operatorlyq kompaniya júmys isteydi. Bizde barlyq lotoreya oiyny tek sol kompaniyanyng erejesimen ótu kerek.

Al, qazir zansyz oinatylyp jatqan lotoreyalargha, bizde jauapkershilik qarastyrylmaghan. Sondyqtan, qazir talqylanyp jatqan Zang jobasynda sol lotoreya oinatudyng prinsipteri, lotoreya oiynyn zansyz ótkizgeni ýshin qanday jauapkershilik bar degen mәseleler qarastyrylyp jatyr.

Ázirge, búl Zang naqty bekitilgen joq. Biraq, qazir aiyppúl salu degen siyaqty týrli úsynystar, deputattar engizgen týzetuler bar.

Áriyne, qazirgi әleumettik jelining qoghamgha yqpaly zor ghoy. Tanymal adamdar ózderining tanymaldyghyn paydalanyp, útystar ótkizip jatady. Biraq, olar útystyng ashyqtyghy, әdildigi degen nәrsege jauap bere almaydy. Sondyqtan, olargha ortaq bir ereje bolu kerek.

Taghy bir aita keterligi - lotoreya salasynda "Sәtti júldyz" dep bir operatordy belgiledik qoy. Qazir, ol operatordyng istegen júmysy kóp. Mysaly, olar ýsh myng adamdy ýsh myng júmys ornymen qamtamasyz etip otyr. Biraq, bir mәsele - qazir ol kompaniya Qazaqstanda jalghyz bolmauy kerek. Ol monopoliya bolmau kerek. Ol ýshin - osy saladaghy әrtýrli mekemeler, damyghan elderding investorlary nemese bizding elding azamattary, kәsipkerleri lotoreya naryghyna kiremiz dese, oghan da jol ashyq bolu kerek. Sondyqtan biz monopoliyany da auystyrdyq.
Sondyqtan búl zang lotoreya naryghyndaghy shynayy bәsekeni de qalyptastyruy kerek.

Al, jurnalist Arman Sqabylúly, әnshilerding búl әreketi - "anqau elge aramza moldanyng keri" deydi.

Abaylanyz! "Alayaq lotoreya"!

Arman Sqabylúly, jurnalist:

- Ashqúrsaq halyqty aldau onay. Elding túrmys-tirshiligi tómendegen sayyn "anqau elge aramza molda" da kóbeye me deymin. Qazir әleumettik jelide "lotoreya oinatu" degen bәle qatty beleng aldy. "On myng tengege biylet alsang avtomobili útasyn, eki bólmeli pәterding kiltin ústatamyz" degen jarnamadan kóz sýrinedi. Espanov degen әnshi tipti 20 kólikti útysqa qoyypty.

Jalpy qúny 61 million tenge! Búl ne degen "batpan qúiryq"! Bizding biluimizshe Qazaqstanda lotoreya oinatugha jalghyz ghana operator -kompaniyanyng qaqysy bar. Memleket soghan ghana liysenziya, rúqsat bergen. Qalghandaryniki zansyz. Halyqty aldau. Zandy belden basu. Zandy búzghandar onda nege jazalanbaydy? Salyq tólemey milliondardy qaltagha basqandargha tiyisti organdar nege kóz júmady?

Búl saualdardyng jauabyn býgin Parlamenttegi derekkózden aldyq. Alayaqtar, abaylanyzdar! Endi "Lotoreya qyzmeti turaly zangha" tolyqtyrular engizilgen song "lotoreya-lohotronnan" payda tapqysh Espanov jәne sol sekildiler memleketke 200 ailyq eseptik kórsetkish kóleminde (500 000 tenge) aiyppúl tóleydi. Útysy tәrkilenedi. Oghan kónbey júrtty aldaudy jalghastyra berse jazasy tipti auyrlaydy. Al, anqau halqyma aitarym- alayaq-lotoreyadan alystau jýreyikshi! Aldanyp boldyq qoy! Bizdi kim aldamady? Endigi qalghany "Espanovtar" edi...

Núrbiyke Beksúltanqyzy

Abai.kz