Jwma, 15 Qaraşa 2019
Anıq 2872 43 pikir 30 Qazan, 2019 sağat 12:16

«Mınau adamnıñ emes, perişteniñ dauısı»

Ötken 2018 jıldıñ «Jıl änşisi» bolıp, bükil älem elderi boyınşa Dimaş Qwdaybergen balamız tanıldı.

Qazaq halqın bükil älemge tanıtqan Dimaş Qwdaybergenniñ jwldızı jandı, iri sahnalardı bağındırdı. Halıqtıñ süyispenşiligine bölengen änşi Londonda jeke koncertin ötkizip, Resey sahnasında halıqtı tañday qaqtırdı.

Londonda ötken jeke koncertine Qıtay, Kanada, Belgiya, Çehiya sekildi 45 elden janküyerler kelip, "Indigo at the O2" koncert zalında ine şanşar orın bolmadı. Dimaş jeke koncertinde Adajio, "Daydidau", "Sağındım", Michael Jackson tribute, The Show Must go on, "Leyla", If I Never Breathe Again, "Lyubov' ustavşih lebedey" sekildi 29 ändi jandı dauısta aytıp, älemge äygili Qwrmanğazınıñ «Aday» küyin dombıra da orındap janküyelerdiñ ıstıq ıqılasına bölendi.

Tüsinikteme: Halıq äni "Daydidau" Şıñğıs han ordasınıñ sol zamanğı bilim ordası Daydu qalasınan ayrılıp qaluına qatıstı şıqqan än. Ol qalanı saldırğan da, salğan da Aday jwrtı bolatın. Dimaştıñ osı ändi orındardan bwrın Qwrmanğazı atamızdıñ "Aday" küyin orındaytını sondıqtan.

Mäskeudegi Kreml' sahnasında än salıp, «NTV» arnasınıñ «Ortalıq televidenie» bağdarlamasında qonaqta bolğan Dimaş Igor' Krutoydıñ süyemeldeuimen "Şarşağan aqqulardıñ mahabbatı" änin orındap, köpşiliktiñ qoşemetine bölendi. Sonımen qatar, Reseydegi «Jıl äni – 2018-ge» qatısıp, Olimpiyskidi de bağındırdı. Halıqtıñ ıstıq ıqılasın körgen jürgizuşiler Dimaştı "jıl jañalığı" dep atadı.

24 mamır küni, sağat 11:06

«MINAU - ADAMNIÑ EMES, PERİŞTENİÑ DAUSI»

Älem jwrtşılığı qazaq änşisi Dimaş Qwdaybergenniñ talantına tamsanadı:

Kristin Orbst (Germaniya): «Mässağan, mına jigittiñ kömeyinde tenor men sopranonıñ arasındağı, erge tän dauıs pen äyelge tän ün arasındağı bükil dıbıs gamması tügel jür ğoy! Twla boyım titirkenip ketti!»

Ian Styuart (Wlıbritaniya): «Qwdayım-au, qanday ğajap! Qayta-qayta tıñdap otırmın. Osınday da dauıs boluı mümkin be? «Mümkin» deytin şekten de şığıp ketken diapazon ğoy mınau! Jaratqannıñ özi bergen darın. Quanışım keudeme sıyar emes».

Marsiya Nikaydo (Braziliya): «Bwl sayıs emes şığar dep ümittenemin. Sayıs bolsa, basqa qatısuşılarğa jasalğan ädiletsizdik bwl. Mwnımen jarısuğa kimniñ şaması keledi? Qwddı bir änşiniñ işinde üş änşi twrğan siyaqtı. Ğajap!».

Kristina Del'mendo (AQŞ): «Qanday dauıs! Tıñdap otırıp közimdi jwmıp edim, köñilim bosap ketti. Köz jasım betimde taram-taram bop ağıp jatır. Tilde kedergi bolsa da, muzıkada kedergi joq: ol jürekterdi biriktirip, meyirimge ündey aladı!».

Esa Seyttu (Şveciya): «Bwl ändi tıñdap otırğanıma birneşe sağat boldı, tipti toqtay alar emespin. Änniñ ne turalı ekenin de bilmeymin. Mınau - adamnıñ emes, perişteniñ dausı. Muzıka arqılı soğıstı toqtatuğa bola ma? Iä, mına jigit toqtata aladı. Men älemniñ jeti keremeti turalı estigem, biraq mına änşiniñ ğajayıbı bärinen asıp tüsetin siyaqtı. Mwnday dauıstı jaratqan Qwdayğa endi senbesime amal joq!» (Säken Sıbanbay «Mınau adamnıñ emes, perişteniñ dauısı»).

Dimaştı tıñdağandardıñ sanı qazirgi tañda 11 milliardtan asıp ketti. Äli de tıñdauğa ıntıqtar jeterlik. Astronomdar bir jwldızğa Dimaştıñ atın berdi. Erterekte akademik-geolog Qanış Imantaywlı Sätbaevqa bir jaña aşılğan jwldızdıñ atın berip edi. Dimaş ekinşi bolıp otır. Dimaş önerimen bükil älemdi jaulap alğan orıstanbağan (dästürli änderimizdi naqışına keltirip aytatın) şeber änşi.

Älemdik öner mamandarı adam-adam bolğalı Dimaştan asqan änşi bolğan emes degen twjırımğa kelip, onı bükil älem elderi boyınşa eñ üzdik änşi dep moyındadı.

Qazaqtı älemge Ämireden keyingi tanıtqan änşi osı Dimaş balamız.

Qazaqtıñ Ata-anaları men balalarınıñ Dimaştıñ otbasınan üyreneri köp. Ärbir qazaq otbası balaların jastay armandaudı üyretui kerek. Dimaş balamız qazaqtıñ ejelgi Ata saltı boyınşa, jas kezinen Atası men äjesiniñ  tärbiesin alıp, bal kezinen bükil älemdi auzına qaratatın äygili änşi boludı armandağan. Sodan beri künine üş sağat jattığudı küni büginge deyin bir toqtatqan emes. Demek, balanıñ armanı asqaq jäne eñbekqor bolsa şığar şıñı da sonşalıqtı biik bolmaq.

Qazaqta öte ejelden kele jatqan «At aynalıp qazığın, Er aynalıp elin tabar» degen maqal bar. 

Bükil älem elderiniñ ozıq oylı öner süyer wrpaqtarı osı Dimaş balamız arqılı qazaqtı tanıp, qazaqtıñ Ana tilin üyrenip, änin jattap jatır. Demek, qanday ma bir sebeptermen, bükil älem elderi özderiniñ şıqqan tegin izdep tabatınına kümän bolmauı kerek. Bwl Allanıñ qalauı. Äytpese, älemniñ eñ üzdik birinşi «dauısı» qazaqtıñ qara balasınan şıqpağan bolar edi. Bül qazaqtıñ Ana tilinen bezip jürgenderge berilgen naqtı jauap. Kimde-kim «mıñ jerden basın tasqa wrsa da» Ana tilinen bezgen bezbüyrekterdiñ işinen mwnday wlı darın ieleri şıqpağan, şığa da almaydı.

Dimaştıñ Ata-tegi, yağni ruı: Qazaq-Kişi Jüz (Begarıs)-Alşın-Altı ata Älim-Şekti. Bwl ru mwqım qazaqqa ejelden äygili “Qız Jibek” dastanı arqılı keñinen tanıs. Dimaş sol Jibek swludıñ bügingi zamanğı inileriniñ biri.

«Jaqsılıqqa jarısu» qazaqtıñ Ata saltı. Jaqsılıqqa jarısıñızdar! Osınday wl men qızdarımız köp bolğay!

Mambetkarim Qojırbaywlı

Abai.kz

43 pikir