Тараз. 7 қырқүйек. ҚазТАГ - Жамбылоблысында 230,1 мыңгектардан364,6 мың тонна астық жиналды. Оның 232 мың тоннасын бидай құрап отыр, деп мәлім етті Жамбыл облыстық әкімдігінің ауыл шаруашылық басқармасы.

Ведомствоның атап көрсетуінше, «облыс өзін азық-түлік бидаймен және егістік бидай тұқымымен толығымен қамтамасыз етті».

Облыстың астыққа деген жылдық қажеттілігі 120,7 мың тонна азық-түлік бидайы және 30 мың тонна егістік бидайын құрайды.

Осылайша, биыл жиналған астық облыс қажеттілігін толығымен қанағаттандырады. Алайда ауыл шаруашылық басқармасындағылардың айтуынша, астықтың бәрі жамбылдық ауыл шаруашылық өнімдерін өндірушілердің қолында қалып отыр.

Бұрын хабарланғандай, Таразда ауыл шаруашылық министрлігі, «ҚазАгро» Холдингі» АҚ, «Қазақстанның астық одағы» ЗТБ, «Қазақстанның бидай өңдеушілері мен наубайшыларының одағы» ЗТБ арасында Жамбыл облысын қамтамасыз ету шаралары туралы меморандумға қол қойылған болатын.

Сондай-ақ, экономиканы модернизациялау жөніндегі мемлекеттік комиссияның отырысында «ҚазАгро» Ұлттық басқарушы холдингі» АҚ-ның 2 млн тонна астық сатып алатыны туралы шешім қабылданды. Астықты холдингтің еншілес компаниясы «Азық-түлік келісімшарт корпорациясы» ҰК» АҚ жиналған астықтың жалпы көлеміне сәйкес облыстар арасында бөлінетін квота бойынша сатып алады.

Жамбыл облысы бойынша азық-түлік бидайын сатып алу квотасы 33,7 мың тоннаны құрайды.