Aстана. 9 қыркүйек. ҚазТАГ – Елена Преображенская. ҚР парламентінің сенаты бейсенбі күні алқа отырысында «Отбасы үлгісіндегі балалар ауылы мен жасөспірімдер үйлері мәселелері жөніндегі Қазақстан Республикасының кейбір заңнамалық актілеріне өзгертулер мен толықтырулар енгізу туралы» ҚР заң жобасын редакциялық түзетулермен  мәжіліске қайтарды.

Заң жобасын талқылау барысында сенаттың тұрақты комитетінің ұсыныстары мен ескертулерін ескере келіп, мәжіліс мақұлдаған заң жобасына өзгертулер мен толықтырулар енгізу қажеттігі туындады.

Атап айтқанда, сенат депутаттары заң жобасында оның жекелеген ережелерінің ішкі үйлесімсіздігін жоюды ұсынды. Заң жобасының бірқатар жаңалықтарын қабылдау «Неке мен отбасы туралы» ҚР заңына өзгертулер мен толықтыраулар енгізуді қажет етеді. Одан басқа, сенаторларда нақтылау және редакциялық сипаттағы ескертулер мен ұсыныстар туындады.

Еске салсақ, мәжіліс мақұлдаған түзетулерге сай балалар ауылының әкімшілігі мен тәрбиеші-аналары жетім балалардың есепшотына келіп түсетін алименттер мен басқа да әлеуметтік төлемдерді алуына құқығы жоқ.

Заң жобасы сондай-ақ, балалар үйі мен мектеп-интернатты бітірушілердің, жетім балалар мен ата-аналарының қарауынсыз қалған балалар арасынан жас өспірімдер үйлерінде әлеуметтік адаптациядан өтетін тұлғалар категориясын кеңейтуді қарастырған.