Алматы. 6 наурыз. ҚазТАГ– Мемлекеттік айыптаушы «Қазатомөнеркәсіптің» экс-басшысы Мұхтар Жәкішевке қатаң тәртіптегі 14 жыл беруін сұрады, деп жазады «Республика» интернет-порталы. .

«Мемлекеттік айытпау жағы соттан жаза ретінде қылмыстары үшін тағайындалатын жаза мерзімдерін жартылай қосу арқылы 14 жыл бас бостандығынан айыру, жазасын қатаң тәртіптегі колонияда өткізетіндей және жеті жылға мемлекеттік қызметпен айналысуына тыйым салу туралы үкім шығаруын сұрады. Талғат Қыстаубаевқа қатысты (Жәкішевтің оққағары) мемлекеттік айыптаушы, қылмыстары үшін тағайындалатын жаза мерзімдерін жартылай қосу арқылы алты жыл бас бостандығынан айыруды сұрады. Жазасын жалпы тәртіптегі колонияда өтейтіндей етіп. Сондай-ақ  мемлекеттік қызметте істеуге үш жыл бойына тыйым салуды сұрады», - деп айтып берді журналистерге Нұрлан Бейсекеев.

М. Жәкішевтің адвокатының айтуынша, прокурорлар Талғат Қыстаубаевты полиция майоры атағынан айыру, ал Мұхтар Жәкішевті президент Нұрсұлтан Назарбаевтың тікелей өзі сыйлаған «Құрмет» орденінен айыру туралы мемлекет басшысының атына ұсыныс енгізуді талап етті. Нұрлан Бейсекеевтің айтуынша, «Қазатомөнеркәсіптің» бұрынғы басшысы осыған байланысты бір сөз айтты, оны тіпті хаттамаға да жазып қойды: «Шын мәнінде маған аяныштысы, менен орденді алып қойғандығы. Мен оған заңды лайық едім».

«Республика» газеті жазғандай, сотта зардап шегуші тарап– «Қазатомөнеркәсіп» өкілдері сөйледі. Олар өздерінің талаптарын қайталап, Талғат Қыстаубаевтан 12 млн теңгені талап етті. Басқаша айтқанда, сотталушы «Қазатомөнеркәсіпте» жұмыс істеген кездергі барлық жалақысын қайтарып беруі тиіс. Мұхтар Жәкішевтен 99 млн теңгені – Венада ұлттық компания өкілдігін ашуға жұмсаған қаражаттың барлығын кері қайтаруды талап етті.

Сейсенбі күні, 9-шы наурызда, тараптардың пікір таласы өтеді және онда Н. Бесекеев сотқа М. Жәкішевке қарсы тағылып отырған айыптаулардың негізсіз екендігін дәлелдеп бағады.