Астана. 7 қырқүйек. ҚазТАГ - Премьер-министр Кәрім Мәсімов Иркутскіде өтіп жатқан VI Байкал экономикалық форумына қатысып жатыр, деп хабарлайды сейсенбі күні Қазақстан үкіметі жетекшісінің баспасөз қызметі.

Баспасөз қызметі форумның күн тәртібінен, премьердің оның барысында қандай мәселелерді талқылауды жоспарлап отырғаны туралы ақпарат бермей отыр.

Ресейлік БАҚ-тың хабарлауынша, форум тақырыптарының бірі - Росатомның уран өндіруші кәсіпорнының акцияларын сатып алу мүмкіндігі.

«Біз сейсенбі күні Росатом басшысы Сергей Кириенкомен осындай мүмкіндікті талқылаймыз. Бұл қандай кәсіпорын болатынын әзірге айта алмаймын. Бірақ ол анықталды. Келіссөз аяқталып қалды», - деп мәлім еткен К. Мәсімовтың сөздерін ресейлік БАҚ келтіріп отыр.

VI Байкал халықаралық экономикалық форумы сейсенбі күні ашылды.

БЭФ-тың пікірталас алаңдарында биыл Сібір мен Қиыр Шығыс аймақтарын игеру жобалары, қолайлы қалалық ортаны қалыптастыру, экономиканы жаңарту және инновациялық даму тақырыптары талқыланбақ.

Форум өз жұмысын 9 қырқүйекте аяқтайды.