Алматы. 3 наурыз. ҚазТАГ – Қазақстандағы Германия елшісі Райнер Шлагетер қазақстандық жазушы Герольд Бельгерге «Федеративті Германия Республикасының алдында сіңірген еңбегі үшін» орденін тапсырды, деп хабарлады дипмиссия баспасөз қызметі сәрсенбі күні.

«Герольд Белгердің сіңірген еңбегі – ол өзінің шығармашылығында Жайық жағалауының немістерінің екінші дүние жүзілік соғыс кезінде Орталық Азияға жер аударылуының тарихын және олардың одан арғы тағдырын, әсіресе олардың Қазақстандағы интеграциясын зерттеуге көп күш жігерін жұмсағандығында», - делінген елшіліктің хабарында.

Ақпаратта сондай-ақ, Г. Бельгер «бұл тақырыпқа қазақша, орысша және немісше көптеген кітаптар мен мақалалар» жариялағаны атап өтіледі. «Герольд Белгердің ең атақты шығармаларының бірі, 1989 жылы жазылған «Гете мен Абай» очерк-эссесі. Онда ол немістің ұлы ақыны Гете мен қазақтың ұлы ақыны Абайдың философиясы мен шығармаларын салыстарады», - делінген хабарда. 

Дипмиссияның хабарында сондай-ақ, Г. Бельгер «немсі тілді әдебиеттің сақталып қалына және халықтар арасындағы түсіністікке жауаптымын деп есептейді, сондықтан ол Қазақстан мен Германия арасын байланыстырып тұрған өзінші көпір іспеттес» деп айтылады. 

«Федеративті Германия Республикасының орденімен марапаттау ... Герольд Бельгердің біздің халықтар арасындағы өзара түсіністік саласындағы сіңірген еңбегін мойындау. Бұл марапаттаудың әсіресе осы биыл, «Германия Қазақстанда – 2010» бағдарламасын өткізіп жатқан жылы болуының өзі символ іспеттес. Бұл шара Германияда 2009 жылы өткізілген Қазақстанның жылдарынан соң өткізіліп отыр», - делінген хабарда.