Астана. 10 қыркүйек. ҚазТАГ – Шілдеде Қазақстандағы бір жұмысшының орташа айлық атаулы жалақысы Т82,28мың болды және былтырғы осындай аралықпен салыстырғанда 18%,нақты көрсеткіште 10,6%-ға өсті,делінген ҚР статистика агенттігінің жұма күні таратқан хабарында.

Салалық құрылымда ең жоғары жалақы қаржылық және сақтандыру саласында – Т160,7 мың (республикалық орташа жалақыдан 1,9 есе артық), тау-кен өндіру өнеркәсібі мен карьерлерді өңдеуде – Т151,9 мың (1,8 есеге) кәсіби және техникалық қызметте – Т143,2 мың (1,7 есе артық) және ақпарат пен байланыста – Т130,7 мың (1,6 есе).

Ең төменгі жалақы ауыл шаруашылығы мен орман, балық шаруашылығында – Т35,1 мың. Ол республикадағы орташа көрсеткіштен 57,3%-ға төмен.

Аймақтық кескінде ең жоғарғы жалақы Атырау облысында – Т154,0 мың, ол республикалық орташа көрсеткіштен 1,9 есеге артық. Солтүстік-Қазақстан облысында оның мөлшері Т54,7 мың, ол республикалық орташа деңгейден 33,5% -ға төмен.