Астана. 3 қырқүйек. ҚазТАГ - Экономикалық даму және сауда министрлігі (ЭДСМ) Қазақстан Республикасында 2010-2014 жылдары сауданы дамыту жөніндегі салалық бағдарламаның жобасын жасады, деп хабарлайды ведомствоның баспасөз қызметі.

Оның негізгі мақсаты «Қазақстанның сауда саласының тұрақты дамуы үшін жүйелік және институционалдық негіз құру, оның бәсекеге қабілеттілігін арттыру» болып табылады, делінген жұма күні таратылған хабарламада.

Вице-министр Тимур Сүлейменов бастаған жұмыс тобының мүшелері аталған мақсатқа қол жеткізу әдісі ретінде ЭДСМ жобасы қалыптастыратын «республиканың экономикалық мүдделерін ілгерілету және қорғау жүйесін» атап отыр.

Бағдарлама 2010-2014 жылдары кезең-кезеңмен келесі бағыттар бойынша жүзеге асырылады: сауда инфрақұрылымының тиімділігін арттыру; инновациялық сауданы дамыту; әлемдік сауда жүйесіне интеграция; саланы білікті кадрлық ресурстармен қамтамасыз ету.

«Бағдарлама президенттің «2010-2014 жылдарға арналған Қазақстан Республикасының қарқынды индустриалды-инновациялық дамуы бойынша мемлекеттік бағдарламасы туралы» жарлығын жүзеге асыру шеңберінде жасалды», - делінген хабарламада.

Бағдарламаның жобасы министрліктің сайтына орналастырылды.