Бірдеңе жазу керек секілді болды да, бұл кісінің әулиелігі мен даншпан пікірлері маған қалай әсер еткенін айтайын деген ойымды есіме келген басқа бір әңгіме бөліп жіберді де, жазудан кештім. Ол мынадай қарапайым күлдіргі болатын: Қожанасыр бір күні ойнап жүрге балаларды алдамақ болып, оларға "пәлен көшеде тегін ақша таратып жатыр" деп соғыпты. Балалар сеніп қалып солай қарай тұра жүгіріпті. Сонда Қожекең олардың артынан біраз қарап тұрып: "әй осылардікі кенет шын болып қалып, сол ақшадан құр қалып жүрмейін, кім біледі дейсің" - деп өзі де балалармен ілесе жүгіріпті дейді.
--Анахарсис

тәтті сөздерден құрастырылған доктриналарыңызды оқыдық. Ұлттық саясат тұжырымдамасының шалымына да келмейтін ортанқол дүние көрінді.Тәтті сөздер, уәделер, қаптаған "керек-тиістер", үміттендірулер, тереңдік, тұшымдылық, көркем әдебилік жоқ, өзіне өзі серт берген секілді екен, Жұғымы қандай болар екен. Анықтықтан, нақтылықтан гөрі жалпылығы басым. Кешегі доктринаға қарсы шу-шұрқан барысында бұл доктринаның аты әптен жауыр болып, ренішті оятатын атауға айналып еді, жұрт мазмұнына қарап жылы қабылдайын деседе, жүрегіндегі бір мұзы ерімей тұратын секілді ме?! Әлі жата-жастана зерделеп, қайсы бұрышында Қазақстандық ұлттың елесі тығылып жатқанын асықпай саралау керек! Халықтың талқысына салмай бекітіп жібергені қалай? Жақсы болса алдымен жалпы беттік оқып, бағаланып, сосын барып қабылдану керек еді. Асығыстықтың артында шайтандық тұрған жоқ па? Оның жақсы-жамандығына Қазақ ұлты баға беруі керек еді, ал сіздер өздеріңіз құрастырып, өздеріңіз "Керемет" деп мақтанасыздар! Бұл ұят қой! Нағыз даншпандардан басқа ешкімге өз шығармасы ұнамай қоймас!

(Жалғасы)
Ешкім бұл туралы пікір айтып жатқысы келмегеніне қарағанда бұл нәрселеріңіз (доктрина) аты бар да, іске асуы жоқ көп құжаттың бірі ретінде ығыстырылады ғой! оны айтасыңдар, тіпті біздің Конституциямыздағы Тіл туралы баптың орындалмағанына 20 жыл болды, ал оның ішіне биліктегілерге пайдалы қайдағы бір түзетулер қосылып, атазаңның тек сол тұсына ғана айрықша мән беріліп, тек сол жерін ғана орындау науқаны болып жатқан жоқ па?

(Жалғасы)
Доктрина дауын қайта үрлеудің қажеті жоқ әрине! мен де осынау жауыр тақырыпқа шұұқшиғым келіп отырғаны шамалы. Дегенмен әр нәрсенің өз орнымен болуын дәріптеушілер үшін, доктрина да өз деңгейінен ұзамай қызымет етсе жарады, ал ондағы жалпылама сөздер қалай түсіндіріледі, Герменевтикалық, структуралық, функционалдық тұрғыдағы талдаулар қалай болаыд, соған қараймыз да.
-Анахарсис тектілердің біреуі

Барлық пікіріңізге қосыламын, азанда коммунист түстен кейін ұлтшылдар туралы да дұрыс батырып айтыпсыз. Айдос мырза но.., тек бір пікіріңізге қосыла алмайды екенмін. Кене ханның басын тауып әкеліп Түркістанға жерлейік дегеніңізге. Бұл не қылған делі ауру. 1846 жылдары өлген Кенесарының басын іздеп табайық деген. Ау ағайын, бір сәт жындылықтан есімізді жиып неге қарамаймыз болашаққа. Ал таптық делік, жерледік делік. Содан соң..Осыны жасаған сендерсіңдер деп қырғызды шабамыз ба қайтадан? Әлде қоқаннан кек аламыз ба, мүмкін орыстан шығар. Мүмкін қайтадан арғын+-+дулат болып өз ішімізде қырқысамыз?
Хан Кененің басын тауып алар болса, сол Кенесары ханның бел баласы Сыздық сұлтанның өзі іздеп табар еді, патшадан сұратар еді. Мұсылман жұртында өткенге салауат деген болады. Бұл өте жақсы нәрсе. Оның не екенін білмейтіндер болса айтайын , яғни барлық жауларының бұрын жасаған озбырлықтарына толық кешірім жариялау, қазіргі құқық тілімен айтқанда полный амнистия. Пайғамбарымыз да өзінің немере ағасын өлтіргендерді, ағасын өлтіргенімен қоймай, ішін жарып бауырын шайнаған мүшрік әйелді де кешіреді. Сыздық сұлтанның әкесін жоқтап қырғызға барғанын, моласын тауып құран оқығанын білесіздер ма? Алатаудың бауырындағы қырғыз қазақты түгел жинап салауат айтқанын білесіздер ма? Көп тарихшылардың оқығаны тек Бекмаханов, әдебиетшілердің оқығаны тек Әуезовтың жазғандары немесе қазіргі заманғы қияли жазушылардың жазғандары. Білімі таяздығынан өрескел пікірлер айтады да жүреді. Сыздық сұлтан әкесінің өлген жеріне барарында, жанына бірнеше кісі жолдас ертіп барған. Оның бірі сол кездері жалындап тұрған жас, қырғыз қазаққа бірдей даңқы шыққан Жамбыл ақын еді. Барған соң қырғыздар әкесін құнын даулап келді - деп қатты қорыққан. Асты үстіне түскен. Сондағы Жамбылдың естелігін оқыңыздар..1940 ж. шыққан Жамбыл шығармалары 1 томы. Яна латын әріпімен жазылған, Жамбылдың алдында, хатшысы оқытып отырып, өз редакциясынан өткізген. Сонда Сыздық сұлтанның Қырғыз сені шапқалы да келген жоқпын, құн сұрағалы да келген жоқпын. Әкемнің өлімінен кейін қазақпен араларың жаман суып кетті. Күнде дулат сені шабады, сендер оларды барымталайсыңдар. Мен сендерді татуластырып, араларыңда татулық болсын деп келдім. Өткеннің бәріне салауат айтам дейді.
Өстіп баласы Сыздық сұлтанның өзі кешіп, бәленің барлығы өз пиғылымыздан, жақсылықтың барлығы Құдайдан екенін түсінгенде, бүгінгі бізге не жорық? Қанша атамның басы, қанша жерде шашылмай қалды. Қазақ даласының бәрін зерттеп қазып келсең жер астында көміліп жатқан ата бабаларымыздың сүйегі, басы шығады. Нанбасаңыз археолог, антропологтардан сұраңыз. Ақтабан шұбырындыда қалмақтан қырылып, сүйегі тау-тау болып үйілген ата бабаларымыз, Ашаршылықта қырылған, етін ит құс жеп, сүйегі көмусіз қалған миллиондар ойландырмайды ма? Айта берсем таусылмайды...Сондықтан бұл пікіріңізбен келісе алмаймын, Айдос мырза. Өткенге салауат дейік. Шоқай баласы

Халықта бір сөз бар"Күрілі бар да, жаңбыр жоқ" сіздің бастамаларыңыз осындай ойға жетеледі де тұрады.

Қазақтың бір құрылтайы олай өтпеді, былай өтті, мынадай болғанда жақсы болар еді деген сөздер сәуегейлік сияқты. Ең бастысы ұлтшылдар жиналды, басы бірігіп шара өткізді. Соған қуанайық. Бәрн де ақылға, парасатқа және байсалдылыққа салып шешкен жөн тәрізді.

Басқа айтарым жоқ Айдос мырзаға. Соңғы бес-алты айда, Ұлт деп ұрандаған Айдостың сөзі осы болса, өзі айтпақшы біреулер аман болсын. Дос жылатып айтпайды, уақытылы келіп көмектеседі. Ал құрылтайдың нәтижесін уақыт көрсетеді. Ұлт деп ұрандағанның бәрінің Айдостан ақыл сұрауы шарт емес. Қолынан келсе өзі жасап көрер, басқа не дейміз? Ішің ашыса, тұз жала Айдос!

Дәл айтылған сөз: Айдос, ішің күйсе тұз жала! Бірақ қазақ бәрібір жеңеді, кеше ғана оппозиционер болып, уақыты келгенде ұлтшыл бола қалғаныңыз ұят! Коммунистте нең бар? бірінші өзіңнің өткеніңе көз салсай?

"Қазақтар! Ұлы Отан, Жеңіс дегенді ұмытыңдаршы! Сол отаның Ұлы болса мәңгі құламас еді, көрген күнің жеңісті болса еске алған елің жыламас еді. Орыс жеңімпаз мықты болса жигули жасамас еді. Қазақ қазы-қарта орнына колбаса асамас еді ғой... Қазаққа Ұлы бүгінгі Қазақтың өзі..."

Оралған, Астана қаласынан

Коммунистердің қазаққа ғана емес, жалпы ССР халықтарына, соның ішінде орыстардың өзіне жасаған қиянаты орасан. Дегенмен, саясатта көп пікірлік, көп партиялық деген ұғымдар бар. Коммунистік партияның да бір саяси ұйым ретінде өмір сүруге құқығы бар. Қазақты қырған бүгінгі коммунистер емес қой. Соншама оларды жерден алып жерге салатындай бүкіл қазақ алдында кінәлі етіп. Бұл жерде Айдос артық кеткен. Негізі Айдосқа кішкене этика жетіспей жатады. Сырбаздық па екен... Мужландық бір леп есіп тұрады. Педофил, педагог деген сөздер оның деңгейі болмау керек, қанша дегенмен көпшіліктің көз алдында жүрген адам ғой. Басқа мысал құрып қалып па. Ал, былай жаман жігіт емес.

Осы құрылтайдан келгеннен кейін мен ойлап қалдым:"Билікте Назарбаевттың болғаны жақсы екен,әйтпесе,мыналар елді құрдымға апарады!".

қазақ ұлтшылдары бірігіп, ынтымақтасып кетеме деп, олар қоғамның күретамыр мәселелерін көтеріп, онсыз да қаны қайнап, рухы көтеріліп келе жатқан қазақтарды бастап кетеме деп, Ресейге қосылу миссиясы кешіге ме деп қылп-қылп, жылп-жылп! Әлеуметтік оянысқа қарсы әлеуметтік мысықтілеу жындылық деген осы да! БІрін біріне айдап салудай Қытай айласын меңгеру жағынан қытайдан кем емес екендіктерің көрініп-ақ тұр!
Қайран жаным не қыласың, болмашыға құрбан боп,
КҮн астында қызығарлық Күнікей қыз тұрған жоқ!
(Несіпбек Айтұлы)

Осы Айдос інім келер буынның көшбасшысы болар деп үміттенуші едім, мына Құрылтай төңірегіндегі айтып жүргендері тіпті көңілімнен шықпады. Бақастық па, іштарлық па, ұғып болмадым. Былайғы жұрт - біз үшін қалың қазақ бас қосыпты, Құрылтай өткізіпті дегеннің өзі көңілге медет. "Көш жүре түзеледі" дегендей бастамасы жақсы екен, артының қайырын берсін, деп тілейік! Азаматтар "бір жағадан бас, бір жеңнен қол шығаратын" деңгейге жетіпті десек, жалғыз өзі жағы талмай жамандай беретіні жақсылықтың нысаны ма? Көпшілік күткен көңілге де бір уақ зер салғаны жөн емес пе?
Бұрын Секеңнің балтырынан шайнаңдай беретін тісін енді Ғазекеңе салыпты. Әділдік үшін айтқанда қазақ халқынан кешірімді алдымен НӘН көкесінен сұратып алмайды ма? Комчиктердің мөрі де, ақшасы да сол кісінің қалтасында кеткенін жас болса да, саясаткер ретінде білуге тиіс қой.
Сөйлемдерінің астарына үңілсем, "сарай бұлбұлы" бұл ініміздің жанында НӘН көкемді қорғау жөнінен далада қап қоятын түрі бар ма деп қалдым. Қата айтсам - өзіме жақсы.
Бір рет айтқан екенсің - сол жетеді. Қайталай берсең өз қадірің кетеді. Солай, бауырым!

“Біздер, ҚАЗАҚ ҚҰРЫЛТАЙЫНА қатысушы қоғамдық ұйым өкілдері мен ұлтшыл азаматтар

- Ата-бабаларымыз аңсаған Қазақ мемлекетін құру мақсаты жолында біріге жұмыс жүргізуге келісе отырып,

- Тәуелсіздік жарияланғаннан кейінгі жылдарда билік тарапынан Қазақтың ұлттық құндылықтарын жаңғырту бағытында қазақ халқы күткен деңгейде нақты іс-әрекеттердің болмағандығын ашық айта отырып,

- Қазақ халқының тілі мен дінін, рухани дүниесін сақтау және ұлттық мемлекеттің болашағының алдындағы өзіміздің міндетіміз бен жауапкершілігімізді терең сезіне отырып, Төмендегі Тұғырнаманы қабылдаймыз....

7. Ұлттық мемлекеттің, ұлттық идеяның болмауы салдарынан қазақтың ішкі бірлігі ыдырау қаупі пайда болды. Біз тіл жағынан – “нағыз қазақ”, шала қазақ”, “орысбай қазақ” болып бөлінсек, дін жағынан – “зікіршілер”, “уақапшылар”, “дәстүрлі дін ұстаушылар”, т.б. бөлшектенуденеміз. Саяси көзқарасымызға байланысты – “оппозиция жағындағылар”, “билікті жақтаушылар” болып жіктелеміз. Кейбіреулеріміз жүзге қарай бұра тартуға дайын тұрамыз. Алаштың басына күн туып, қазақ ұлтының сақталуы мен ұлттық ерекшеліктерін сақтап қалу мәселесі күн тәртібінде тұрғанда аз ғана қазақтың бөлшектенуі - өліммен тең! Ұлт мүддесі үшін барлығымыз бірлесе жұмыс жасайық.

8. Ұлттық бағыттағы мәселелерді саяси күштердің - билік пен оппозицияның – өздерінің саяси мақсаттарына пайдалануына жол бермеу қажет. Сонымен қатар біздің ұлтшылдығымызды радикалды, эктремистік тұрғыдан түсіндіруге, басқа этникалық топтарға қарсы қоюға бағытталған арандатушылық тәсілдерге тосқауыл қоя білейік. Еліміздегі барлық азаматтардың саяси-азаматтық құқықтары бірдей. Сондықтан да қазақ ұлтының құндылықтарын қорғау, жандандыру бағытындағы іс-әрекеттеріміздің басқа ұлт өкілдерінің құқығы мен еркіндігіне ешқандай нұқсан келтірмейтіндігін мәлімдейміз. ..

10. Ұлт мәселесі белгілі биліктің, азаматтық топтардың, қоғамдық ұйымдар мен саяси партиялардың жұмысы емес. Бұл әрбір қазақ азаматының қасиетті міндеті. Ұлттың өзекті мәселелерін бізге ешкім де шешіп бермейді. Оны қазақтың намысын оятып, рухын көтеру арқылы, нақты жұмыстар мен заңды, саяси тәсілдер арқылы тек қана өзіміз шешеміз.

Қазақ құрылтайы. Алматы, 2010 жылдың 25 сәуірі.

Қазақ Құрылтайының Кенесары ханға қатысты қаулысы.

1. “Кенесары ханды қайтарамыз!” деп аталатын қозғалысты қолдай отырып, Қазақтың соңғы тәуелсіз мемлекетінің туы мен бүкіл халық сайлаған Кенесары ханның денесін қазақ жеріне қайтаруды - әрбір қазақ өзінің қасиетті парызы деп санаймыз....”

(Abai.kz жұлып тастамаңыздар, бұл мазмұн Айдостың айтқандарына қатысты ғой.)

Ұлтымыз бен мемлекетіміздің тағдырына қатысты саяси тұлғалардың және саяси кейіпкерлердің алдында бес жол тұрған секілді:
1. Билікпен өлісей-беріспейтін солшыл ұлтшылдар. олар кезектегі жүйе өзгермей қалғаны *Бейәдеп сөз жазбаңыз!* сөз деп есептейді.
2. Билікпен келіспесе де, халықтық қозғалыстан үрейленетін, халықтың көңілін де қиғысы келмейтін, өгізде өлмейтін, арба да сынбайтын жолмен арадан жол тапқысы келетін оңшыл ұлтшылдар.
3. билікпен келіспейтін, әрі билікке құмар, билікті аударып тастап, Бакиев болғысы келетін - орайшыл ұлтжандысымақтар!
4. Билікпен келісетін, бірақ биліктің қуыршағы ретінде билікке қарсы ойын ойнап, ұлтшылдарды ыдыратып, халықтың бірігуіне қарсы кедергі жасауға тырысатын, байбаламшы, ұраншы, желеуші ит терісін жамылғандар!
5. Биліктің бұралқылары, жандайшаптары, шабармандары, баскесерлері, сескөрсетушілері, құйрық жалаушылар, шашбау көтерушілер, мақтаушылар, ғашықтар, өз орынтағы мен заңсыз жинаған байлығына қауіп төнбесе екен деп билікті қару алып қорғаушылар, Билік сатып алғандығы (Ақшамен, басқамен) себепті билікті ықтай жалдаушылар.

Әрине, мәселе бұларда емес, шынымен Қазақстан билігі қазақ ұлтын басқаруға толымсыз қылмыстың ұясы ма, ондай болса жұлып салу керек. Олай емес болса, билік арқылы халыққа қызымет көрсету керек. бірақ барлығы осыны ойлайды және осы мәселедегі пікірлерінің алауыздығынан біздің саяси кеңістігіміз осындай негізгі саяси күштерге бөлініп кеткен. Кәрілерді білмеймін, студенттердің жетпіс пайызы қазіргі билікке наразы! оларға тек ұлттың жүрегіне айтылған ұран ғана жетіспейді.
--- Біреу

Уа, ағайындар! Бірер өтініш: анайы, былапыт сөздерді қолданбай сөйлеңдерш; өткен Ұлтшылдар құрылтайы бастама ретінде дұрыс болды, оны жоққа шығармай, кемшіліктерін айтып ақыл қоссаңдар, келесі жолына жәрдем болар еді;"коммунисті" жаппай жамандау сөзге айналдырмайық, ол еркектің бәрі алқаш дегендей ғой, коммунистердің арасында еліне, халқына адал қызмет етіп өткендер көп болды, ал Айдос дегеннің "кешірім сұрасын" деп коммунистерге тісін қайрай беретіні-сыңаржақтық.Менің әкем сексен бес жаста, соғысқа қатысты, колхозда шаруа күйттеді, ал мен оған: "Әке, сен коммунист болдың,бізді сорлатқан партияң үшін, давай, менен кешірім сұра!" деуім керек пе? Айдос Ресейдің шовинистерінің ізіне түсіп отыр. Олар мықты болса, Ленин мен Сталин бастаған бәрін тірілтіп алып, кешірім сұратсын. Енді Кенесары басы туралы: естуімше,қырғыздар апарып берген бастан патша темекінің күлін салғаш жасатыпты дейді, ондай болса, оны Ресей ешқашан бермейді, дүние жүзіне масқара болғысы келмейді. "Күлсалғышты" алдық дейін, ол ертеңіңде-ақ қазақтың қырғызға, орысқа өшпенділік құралы болмай ма? Оны көрген жастар қандай жағдайда болады (ересек бізден бұрын)?

енді қайта қайта құрылтай туралы сасыған пікір айта бермеңдерші!құрылтай бітті,көп "қошқардың" басы бір қазанда қайнапты!келесі жолы тағы бірге қайнаса піседі!үміт күтейік!түңіліп қайда барамыз?менше Айдос та ,Дос та Мұхтар Шаханов та ана Ғазиз Алдамжаров та мықты жігіттер!өткен комунистердың ісіне бүгінгілері жауап бермейді!маселе атында емес,затында!қазақ бір қазақ!тегінде Ақ болды,қызыл болды,оның барі сыртқы күштердің айдап салуы!"ақ мысық,қара мысық,бәрі де тышқан алса жақсы мысық!"кім қадай партияда ,қандай ұйымда болады өз еркі.ал олар ұлт үшін жұмыс істесе болды!ал жерді мемілекеттендіру әңгімесі ана қостанай обылысын алып жатқан кулагин,қарағандыны алып жатқан Мадинов сыяқты бәр қазақтың жерін бір ақ адам алып алған.солар сыяқтыларды қайта қарау керек!басқа ұсақ түсек байлар жүре берсін!

Серік Мұратхан ұлы

Айдостың айтқандарын көп жақтыра бермеуші едім, осы жолғысына 100 пайыз қосыламын. Әсіресе НӘН биліктен кетсе ертең жерұйық орнайды деушілерге жақсы тойтарыс беріпті. Дүниеге эмоциямен қарамай нақты көзбен қарайық. БАҚтарда қырғыздың жолын ұстанайық деген ұрандар қаптап жүр. Жақсы болса да жаман болса да НӘНнің азды көпті еңбегі бар, бәрін жоққа шығаруға болмайды ғой.

Не болғанда да, Айдостың пікірлері орынды.....

Арабтар туралы әңгімелердің бәрі қызық деп ойласаңыз, қателесесіз. Ғұндарыңызды да қоя тұрыңыз. Шын қызық қазақтың өз тарихында да жетерлік. Сыздық төре туралы да айтылған әңгіменің еш жаңалығы жоқ. "Қызық" демекші ол арада бір қызық жәйт айтылмай қапты. Сыздық төре қырғыздардан әкесінің ер тұрманын талап етеді. Ол өзі зілдей ауыр нәрсе екен, жәй ат көтере алмағасын, бір шаруа өгізге салып жүр екен. Бері шыққаннан кейін Сыздық төре жолдастарына ерді жарғызады. Іші толған алтын екен. Алтынды серіктеріне бөліп беріп, Сыздық батыр басын ерге салып, еңкілдеп жылаған екен.
Жалпы Сыздық төренің өмірі де ерлікке толы эпопея ғой, әттең соны не жазатын, не киноға түсіретін қазақ табылмағаны...
Ал енді негізгі тақырыпқа оралсақ, алды-артымызға топырақ шашып, бет жыртысқанды қойып, елдігімізді қорғап қалудың амалын қарастырған жөн. Ат төбеліндей ғана ұлтжанды саясаткерлерімізді бір біріне айдап салмай, орынды сөзін қолдап, орынсызын мәдениетті түрде сынап, түзетіп отырып, тізе қоса қимыл жасамасақ, мына ит ырылмен ештеңеге қол жеткізе алмаспыз.
Айдос болсын, қай Дос болсын, шама шарқына қарай халқына қызмет етіп жүргендер. Сонысына рахмет делік. Саясаткерлерін сыйламаған ел өркениеттен ада ел. Улап шулап жүріп "Ел бірлігі" тұжырымдамасы бір жөнге келтірілген сияқты ғой. Құдайға шүкір. Біздің де шырылымыз ескерілген шығар. Сәбит Мұқановтың бір очеркінде Каспийдегі итбалықтар туралы айтылады. Оларды мұз бауырлап жатқан жерінде орыстың аңшылары таяп келіп, шоқпармен соғып өлтіреді екен. Сонда итбалықтар аңшыларды көре салысымен, тура адамша жан ұшыра шыңғыратын көрінеді. Бірақ басқа қарекетке бара алмайды. Біздің қазіргі кейпіміз сол итбалықтардың жағдайын еске салады-ау. Құр шыңғырудан басқа да қарекет жасай алатындар табылып жатса, құба-құп қой.
Ал Айдостың "жаңа ұлтшылдар керек" дегені көңілге қонымды пікір. Әсіресе жастар арасынан. бірақ оларды "көнекөз" саясатшыларға қарсы қоюдың қажеті жоқ. Қалайда бірлесудің амалын жасау керек.
Қабыл

Бұл жігіт биліктің құлағына майдай жағатын пікірлерді айтып отыр. Тіпті кейбір сөз сөйлемдері - биліктегілердің күнде айтып жүрген сөздерінен айнымайды, көшіріп алғандай. Ал енді жақын уақытта Айдекеңнің президент әкімшілігінің маңынан шықпалуы әбден мүмкін. Алдында үлгілер бар ғой. Иртышбаев, Қарин, Әбдіғалиев. Оның алдында Алжас Амарович те оппозицияда болған. Ал осындай адамның Алтынбек Сәрсенбайұлының қорын басқаруы қалай?! Сосын бұл жігіт те әдеп жағы 4 аяғынан ақсап жатыр. Ғазиз Алдамжаров жасы да атқарған қызметтері де үлкен кісі, сыйлы адам. Ал сондай кісіге коммунист деп жаман сөздер айтып "түске дейін педагог, түстен кейін педофил" деп әдепсіз сөздер айту жас жігітке ұят емес пе? Ал қырғыздарға ақыл айтып олармен жұртты қоқытпайық. Ақылды болсақ өз жөнімізді жөндеп алайық. Жалпы біздің халықты үрейлендіріп қорқыту біздің биліктің үйреншікті әдісі. Ойбай Африкада соғыс болып жатыр, Ауғанстанда соғыс болып жатыр, Қарабах, Приднестровияда жанжал болып жатыр, т.б. деп халықтың үрейін ұшырып отырудың мақсаты - тыныш болыңдар, бас көтермеңдер, осындай тыныштық тек НӘН-нің дана басшылығының арқасында болып отыр деп уағыздау. Жалпы қорқақ үрей ұшқан халықты басқару жеңіл. Ондай үріккен халық: аспан ашық болсын. тышытық болсын, соғыс болмасын деп бата береді. Бейне бір айнала сырттан да іштен де жаулар аңдып отырғандай. Тәуелсіздігіміз тұғырлы болсын, діліміз, тіліміз, дініміз мықты болсын, әл-ауқатымыз өсе берсін деген батаны сирек айтады.
Әңгіме Айдостан шықты ғой. Айдеке билік жағы сенім танып қалды және түсінді. "Жақсы жігіт екен" деп қазір өз жағына тартуды ойластырып жатыр. Сен де ойлана бер.

Біткен іске сыншы көп. Құрылтайды жамандағаннан еш пайда жоқ. Болды, бітті. Ал, доктринаға мәз болмай-ақ қойған жөн. Одан халыққа еш пайда жоқ. Айдосқа, Тоғжановқа, Бақытжан деген *Бейәдеп сөз жазбаңыз!*ке пайдасы болса алда көрерміз. Бірақ, оның өзі неғайбыл. Түкке тұрмайтын бір құжат болып қала береді. Оны тарих ертең-ақ дереу ұмытады.

Пікір алынып тасталды!